അമിത് ചക്കാലക്കൽ കരിമ്പനടിച്ച പഴയ ടെന്റ് നൽകി തന്നെ പറ്റിച്ചു, പരാതിയുമായി വ്‌ളോഗർ മിൽജോ

ദുല്‍ഖര്‍ സല്‍മാന്‍ നായകനായ എബിസിഡിയില്‍ ചെറിയ വേഷം ചെയ്തുകൊണ്ടായിരുന്നു അമിതിന്റെ സിനിമാപ്രവേശം. പിന്നീട് ഹണിബി, ഇയ്യോബിന്റെ പുസ്തകം, കായംകുളം കൊച്ചുണ്ണി, പ്രേതം തുടങ്ങിയ ചിത്രങ്ങളിലൂടെ ശ്രദ്ധേയനായി. അമിത് ആദ്യമായി പ്രധാനവേഷത്തിലെത്തിയ വാരിക്കുഴിയിലെ കൊലപാതകം പുറത്തിറങ്ങിയത്. 2019 ലാണ്. ഒമ്പത്‌ വര്‍ഷം നീണ്ട കാത്തിരിപ്പിനും കഠിനാധ്വാന്റെയും ഫലമായിരുന്നു വാരിക്കുഴിയിലെ കൊലപാതകം. നല്ലൊരു റൈഡർ കൂടിയാണ് അമിത്, സാഹസികത ഏറെ ഇഷ്ടപെടുന്ന ആളാണ് താരം.

ഇപ്പോൾ അമിത് തന്നെ ചതിച്ചു എന്ന പരാതിയുമായി എത്തിയിരിക്കുകയാണ് വ്ലോഗർ മിൽജോ. തന്റെ യൂട്യുബ് ചാനലിൽ കൂടിയാണ് മിൽജോ ഈ കാര്യം പുറത്ത് വിട്ടത്, അമിത് യാത്രകൾ പോകുമ്പോൾ ഉപയോഗിക്കുന്ന ടെന്റ് ഇഷ്ടപെട്ടെന്നും അതുപോലൊരൊണ്ണം വാങ്ങാൻ അദ്ദേഹത്തെ സമീപിച്ചെന്നും ഒടുവിൽ അമിത്തിന്റെ പഴയ ഒരെണ്ണം തന്നെ അടിച്ചേൽപ്പിക്കുകയായിരുന്നു എന്നുമാണ് പരാതി. മിൽജോയ്‌ക്കൊപ്പം വ്ലോഗർ ആയ സഞ്ജു ടെക്കിയും കൂടെ ഉണ്ടായിരുന്നു.

സാധാരണ വിലയിൽ പതിനായിരം രൂപ കുറച്ചാണ് തന്റെ കൈയിൽ തന്നതെന്നും, വെയിലത്ത് വെക്കുമ്പോൾ കരിമ്പൻ മാറുമെന്ന് തന്നോട് പറഞ്ഞതായും, എന്നാൽ എത്ര കഴുകിയിട്ടും അത് പോയില്ല എന്നും, അദ്ദേഹത്തിനെ വിളിച്ചപ്പോൾ വിറ്റ സാധനമാണ് അത്, ഒരു രൂപ പോലും താൻ തരില്ല എന്ന് പറഞ്ഞതായും മിൽജോ പറയുന്നു. തന്റെ കൈയിൽ അതിന്റെ വോയിസ് റെക്കോർഡ് ഉണ്ട് എന്നും മിൽജോ പറയുന്നു. മിൽജോ പോലീസിൽ പരാതിപ്പെട്ടിരിക്കുകയാണ്.