കഴിഞ്ഞ ദിവസമാണ് വിജയ് ബാബുവിനെതിരായ പരാതിയില് പൊലീസ് കേസെടുത്തത്. വിജയ് ബാബു ബലാത്സംഗം ചെയ്തതായാണ് പരാതിക്കാരിയുടെ ആരോപണം. ഇതിനിടെ ഫേസ്ബുക്ക് ലൈവില് പരാതിക്കാരിയുടെ പേരും മറ്റ് വിവരങ്ങളും വെളിപ്പെടുത്തി വിജയ് ബാബു രംഗത്തെത്തി. ഇതുമായി ബന്ധപ്പെട്ട് താരത്തിനെതിരെ മറ്റൊരു കേസെടുക്കുമെന്ന് പൊലീസ് അറിയിച്ചു. ലൈംഗിക പീഡനക്കേസില് നടനും നിര്മാതാവുമായ വിജയ് ബാബു ഒളിവിലെന്ന് കൊച്ചി ഡിസിപി യു. വി കുര്യാക്കോസ്. കേസെടുത്തതിന് പിന്നാലെ താരം ഒളിവില് പോയതായാണ് ഡിസിപി പറയുന്നത്. അതേസമയം, താന് ഒളിവിലല്ലെന്നും ദുബായിലാണെന്നുമാണ് വിജയ് ബാബു പറയുന്നത്.
വിജയ് ബാബുവിന്റെ ഫേസ്ബുക്ക് ലൈവിന് പിന്നാലെ വിമണ് എഗെയ്ന്സ്റ്റ് സെക്ഷ്വല് ഹരാസ്മെന്റ് എന്ന പേജിലൂടെ വിജയ് ബാബുവിനെതിരെ കൂടുതല് ആരോപണങ്ങളുമായി പരാതിക്കാരി രംഗത്തെത്തി. മലയാള സിനിമാ ഇന്ഡസ്ട്രിയില് പ്രവൃത്തിക്കുന്ന ഒരാള് എന്ന നിലയില് കുറച്ച് വര്ഷങ്ങളായി തനിക്ക് വിജയ് ബാബുവിനെ അറിയാമെന്നും അദ്ദേഹത്തോടൊപ്പം ഒരു സിനിമയില് ഒരുമിച്ച് പ്രവര്ത്തിച്ചിട്ടുണ്ടെന്നും പരാതിക്കാരി കുറിച്ചു. സിനിമ രംഗത്ത് പുതുമുഖമായ തന്നോട് സൗഹൃദത്തോടെ പെരുമാറുകയും ഉപദേശങ്ങളും മാര്ഗനിര്ദേശങ്ങളും നല്കുകയും ചെയ്തു കൊണ്ട് അദ്ദേഹം തന്റെ വിശ്വാസം നേടിയെടുത്തു. തന്റെ വ്യക്തിപരവും തൊഴില്പരവുമായ പ്രശ്നങ്ങളില് രക്ഷകനെപ്പോലെ പെരുമാറി. അതിന്റെ മറവില് തന്നെ ലൈംഗികമായി ചൂഷണം ചെയ്തു.
രക്ഷകനും സുഹൃത്തും കാമുകനുമായി അഭിനയിച്ചു കൊണ്ട് സ്ത്രീകളെ തന്റെ കെണിയിലേക്ക് വീഴ്ത്തുന്നതായിരുന്നു അയാളുടെ പ്രവര്ത്തനരീതിയെന്നും യുവതി ആരോപിച്ചിരുന്നു. ഇപ്പോഴിതാ ഡബ്ലിയൂ സി സി ഇക്കാര്യത്തിൽ ഇടപെട്ടിരിക്കുകയാണ്. ഇര ആരാണെന്ന് തീരുമാനിക്കാനുള്ള അവകാശം ജുഡീഷ്യറിക്കാണ്, അല്ലാതെ മറ്റാരുമല്ല. ഒരു പരാതിക്കാരിയെ ഒരു പ്രതി പരസ്യമായി അപമാനിക്കുന്നത് അപലപനീയവും നിയമപ്രകാരം ശിക്ഷാർഹവുമാണ് എന്നാണ് wcc കുറിച്ചത്.
“മലയാള സിനിമയിലെ ലൈംഗികാതിക്രമങ്ങളുടെയും അക്രമങ്ങളുടെയും ഞെട്ടിക്കുന്ന മറ്റൊരു ആരോപണം ഇപ്പോൾ പരസ്യമാകുന്നു. കമ്മറ്റികൾ വരുമ്പോഴും പോകുമ്പോഴും ഇത്തരം സംഭവങ്ങൾ കൂടുതൽ ഉണ്ടായിക്കൊണ്ടിരിക്കുന്നു. പ്രൊഫഷണൽ സമവാക്യങ്ങളുടെയും പ്രൊഫഷണൽ ഇടത്തിന്റെയും മറവിലാണ് ഇവിടെ കുറ്റകൃത്യങ്ങൾ നടക്കുന്നതെന്ന് ഡബ്ല്യുസിസി ആവർത്തിക്കുന്നു. തനിക്കെതിരായ കുറ്റകൃത്യത്തിന് ഔദ്യോഗികമായി പോലീസിൽ പരാതിപ്പെടാൻ ആർക്കും അവകാശമുണ്ട്. ഇര ആരാണെന്ന് തീരുമാനിക്കാനുള്ള അവകാശം ജുഡീഷ്യറിക്കാണ്, അല്ലാതെ മറ്റാരുമല്ല. ഒരു പരാതിക്കാരിയെ ഒരു പ്രതി പരസ്യമായി അപമാനിക്കുന്നത് അപലപനീയവും നിയമപ്രകാരം ശിക്ഷാർഹവുമാണ്. ജുഡീഷ്യൽ പ്രക്രിയയിലേക്ക് സ്വയം സമർപ്പിക്കാതെ, ഇത്തരമൊരു പ്രവൃത്തിയിലൂടെ തന്റെ സാന്നിധ്യം ഓൺലൈനിൽ പ്രകടിപ്പിക്കുന്നത് നീതിന്യായ വ്യവസ്ഥയെ പരിഹസിക്കാനുള്ള ശ്രമമാണെന്ന് തോന്നുന്നു. അധികാരികളോട് കർശന നടപടിയെടുക്കണമെന്ന് ഡബ്ല്യുസിസി അഭ്യർത്ഥിക്കുന്നു, മലയാള ചലച്ചിത്ര വ്യവസായം ഈ പ്രവൃത്തികളെ അപലപിക്കുമെന്നും കുറ്റവാളികളെ അകറ്റി ജോലിസ്ഥലം സ്ത്രീ സൗഹാർദ്ദമാക്കുമെന്നും പ്രതീക്ഷിക്കുന്നു. #അവൾക്കൊപ്പം”
മലയാളികളുടെ പ്രിയതാരം ടോവിനോ തോമസ് നായകനായി എത്തുന്ന 'നടികർ' നാളെ തിയറ്ററുകളിലേക്ക്. സൂപ്പർ സ്റ്റാർ ഡേവിഡ് പടിക്കൽ എന്ന കഥാപാത്രമായാണ്…
പ്രണവ് മോഹൻലാൽ, ധ്യാൻ ശ്രീനിവാസൻ എന്നിവരെ പ്രധാന കഥാപാത്രങ്ങളാക്കി വിനീത് ശ്രീനിവാസൻ സംവിധാനം ചെയ്ത ചിത്രമാണ് വർഷങ്ങൾക്ക് ശേഷം.മികച്ച അഭിപ്രായമാണ്…
സംവിധായകൻ തരുൺ മൂർത്തി ഒരുക്കുന്ന അടുത്ത ചിത്രത്തിൽ നായകരായി എത്തുന്നത് മോഹൻലാലും ശോഭനയും. നടി ശോഭന തന്നെയാണ് തന്റെ സോഷ്യൽ…
ജനപ്രിയ നായകൻ ദിലീപ് നായകനായി എത്തുന്ന പുതിയ ചിത്രം 'പവി കെയർ ടേക്കർ' ട്രയിലർ റിലീസ് ചെയ്തു. ഹാസ്യവും അതിനൊപ്പം…
സൂപ്പർ ഹിറ്റ് ആയിരുന്ന രാമലീല എന്ന ചിത്രത്തിന് ശേഷം ദിലീപിന് ഒപ്പം വീണ്ടും നടി രാധിക ശരത് കുമാർ. വിനീത്…
യുവനടൻമാരായ ധ്യാൻ ശ്രീനിവാസൻ, പ്രണവ് മോഹൻലാൽ, നിവിൻ പോളി എന്നിവരെ നായകരാക്കി വിനീത് ശ്രീനിവാസൻ സംവിധാനം ചെയ്ത ചിത്രമാണ് വർഷങ്ങൾക്ക്…