മഞ്ജു വാര്യര്‍ ‘നായാട്ട്’ ടീമിനെ ഭീഷണിപ്പെടുത്തിയത് എന്തിന് വേണ്ടി ?

യുവമനസ്സുകളിൽ വളരെ സ്വാധീനം ചെലുത്തിയ ചാര്‍ലി എന്ന മനോഹര ചിത്രത്തിന് ശേഷം മാര്‍ട്ടിന്‍ പ്രക്കാട്ട് സംവിധാനം ചെയ്ത  ചിത്രമാണ് നായാട്ട് തീയറ്ററുകളിൽ എത്തിയിരിക്കുന്നയാണ്.കുഞ്ചാക്കോ ബോബന്‍, നിമിഷ സജയ്‍, ജോജു ജോര്‍ജ്ജ് എന്നിവര്‍ ഒന്നിച്ച  ചിത്രത്തിന് വളരെ നല്ല  പ്രതികരണമാണ് ലഭിക്കുന്നത്. ഈ  കഴിഞ്ഞ ദിവസം സിനിമാതാരങ്ങള്‍ക്ക് വേണ്ടി പ്രത്യേക പ്രദര്‍ശനവും സംഘടിപ്പിച്ചിരുന്നു.

വളരെ മികച്ച അഭിപ്രായമാണ് ചിത്രം കണ്ട ശേഷം നടി മഞ്ജു വാര്യരും പറയുന്നത്.ഈ സിനിമയുടെ ഭാഗമായ എല്ലാവരോടും തനിക്ക് കടുത്ത അസൂയയാണെന്ന് മഞ്ജു വാര്യര്‍ പറഞ്ഞു. സംവിധായകന്‍റെ കയ്യൊപ്പ് വളരെ വ്യക്തമായും ശക്തമായും പതിഞ്ഞ ചിത്രമാണ്. ഇതൊരു സിനിമയാണെന്ന് കുറച്ചു കഴിഞ്ഞപ്പോള്‍ മറന്നുപോയി.വളരെ റിയലിസ്റ്റാകായി, നാച്ചുറലായി, ബ്രില്യന്‍റായി എടുത്ത സിനിമയാണ് നായാട്ട്.

പക്ഷെ  അതിലെനിക്ക് വലിയ അത്ഭുതമൊന്നുമില്ല. കാരണം ഇവരൊരു കില്ലര്‍ ടീമാണ്. ഇവരൊക്കെ എന്‍റെ ഏറ്റവും വലിയ സുഹൃത്തുക്കളാണ് എന്ന് പറയുന്നത് തന്നെ അഭിമാനമാണ്. ഇനി അടുത്ത സിനിമയില്‍ താനില്ലെങ്കില്‍ പ്രശ്നമുണ്ടാക്കുമെന്നും മഞ്ജു വാര്യര്‍ പറഞ്ഞു.താന്‍ അഭിനയിച്ചതുകൊണ്ട് മാത്രം പറയുന്നതല്ലെന്നും നായാട്ട് ഒരു വന്‍പടമാണെന്നും നടന്‍ ജോജു ജോര്‍ജ്ജ് പറഞ്ഞു.തിയറ്ററില്‍ തന്നെ പോയി എല്ലാവരും സിനിമ കാണണമെന്ന്  നിമിഷ സജയന്‍ പറഞ്ഞു.