പ്രമുഖ നടൻ ദിലീപ് നായകനായ മുല്ല എന്ന ചിത്രത്തിലൂടെ അഭിനയ ലോകത്തേക്കെത്തിയ താരമാണ് മീര നന്ദന്‍. ഒരു പ്രമുഖ മ്യൂസിക്കൽ റിയാലിറ്റി ഷോയിൽ മത്സരിക്കാനെത്തി ഷോയുടെ അവതാരകയായി മാറിയ മീരയെ സംവിധായകൻ ലാൽജോസാണ് സിനിമാ ലോകത്തേക്ക് കൊണ്ടുവരുന്നത്.
താരം സോഷ്യല്‍ മീഡിയയില്‍ വളരെ ആക്‌ടീവാണ്. അത്ത കൊണ്ട്ന്റെ തന്നെ പുതിയ ചിത്രം കണ്ടിട്ട് വിമര്‍ശിച്ചയാള്‍ക്ക് കിടിലൻ മറുപടി നല്‍കിയിരിക്കുകയാണ് താരം. കറുത്ത ഷോട്സും ചുവന്ന ജാക്കറ്റുമണിഞ്ഞാണ് താരം ഫോട്ടോയിലുള്ളത്. ഇത് കണ്ടിട്ട് സണ്ണി ലിയോണിനെ കടത്തി വെട്ടുമല്ലോയെന്നായിരുന്നു ഒരാള്‍ കമന്റിട്ടത്. അതിന് മീര കൊടുത്ത മറുപടി വൈറലായി.
View this post on Instagram
ആരാ.. നിങ്ങളുടെ വീട്ടിലുള്ളവരാണോയെന്നായിരുന്നു താരത്തിന്റെ കമന്റ്. എന്നാല്‍, കക്ഷി പിന്മാറാന്‍ തയ്യാറായില്ല. വകതിരിവ് വട്ടപൂജ്യം. വീട്ടിലുള്ളവരെ പറയുന്നതാണോ സംസ്‌കാരം. എങ്ങനെ താനൊക്കെ ആര്‍ജെ ആയി എന്നായി അടുത്ത ചോദ്യം. അതിനും ചുട്ട മറുപടി തന്നെയാണ് മീര കൊടുത്തത്. ഒരു പബ്ലിക് പ്ലാറ്റ്‌ഫോമില്‍ എങ്ങനെ കമന്റ് ഇടണം എന്ന കാര്യത്തില്‍ നിങ്ങളുടെ വകതിരിവും വട്ട പൂജ്യം ആണല്ലോ. ഔചിത്യമില്ലായ്മയുടെ കാര്യത്തില്‍ താങ്കള്‍ ആരെ കടത്തിവെട്ടും എന്നുള്ളതാണ് എന്റെ സംശയം എന്നായിരുന്നു മീരയുടെ മറുപടി.
