ഒരു മനുഷ്യന് 150 ദിവസമേ ആയുസ്സുള്ളൂ എന്ന് പറയുമ്പോഴും ആ 150 ദിവസത്തിൽ എനിക്കൊരു സിനിമ ചെയ്യണം എന്ന് തീരുമാനിച്ച സംവിധായകൻ ആണ് രാജേഷ് പിള്ള ! മനസ്സ് തുറന്ന് സഞ്ജയ്

ട്രാഫിക് എന്ന വ്യത്യസ്തതയാർന്ന ചിത്രം നമുക്ക് സമ്മാനിച്ച സംവിധായകനെ മലയാളികൾ ഒരിക്കലും മറക്കില്ല. രാജേഷ് പിള്ള ഒരുക്കിയ വേട്ട എന്ന കുഞ്ചാക്കോ ബോബൻ- മഞ്ജു വാര്യർ ചിത്രവും മികച്ച പ്രേക്ഷക പ്രശംസ നേടുകയും മലയാളത്തിലെ മികച്ച ത്രില്ലറുകളിലൊന്ന് എന്ന സ്ഥാനം നേടുകയും ചെയ്തിരുന്നു. എന്നാൽ വേട്ടയുടെ വിജയം ആഘോഷിക്കാൻ അദ്ദേഹം നമ്മോടൊപ്പം ഉണ്ടായിരുന്നില്ല. ചിത്രത്തിന്റെ റിലീസ് ദിവസം ആണ് അദ്ദേഹം ഏവരെയും വിട്ട് പോയത്. ട്രാഫിക് എന്ന ചിത്രം രചിച്ച ബോബി- സഞ്ജയ് ടീമിലെ സഞ്ജയ് ഇപ്പോൾ രാജേഷ് പിള്ളയെ കുറിച്ചുള്ള ഓർമ്മകൾ പങ്കു വയ്ക്കുകയാണ്.

മൂവി സ്ട്രീറ്റ് അവാർഡ്സിൽ വെച്ച് ഒരു മനുഷ്യന് 150 ദിവസമേ ആയുസ്സുള്ളൂ എന്ന് പറയുമ്പോഴും ആ 150 ദിവസത്തിൽ എനിക്കൊരു സിനിമ ചെയ്യണം എന്ന് തീരുമാനിച്ച സംവിധായകൻ ആണ് രാജേഷ് പിള്ള എന്നും തന്നെ സംബന്ധിച്ച് നൂറ്റാണ്ടിലെ ഏറ്റവും മികച്ച സംവിധായകൻ ആണ് രാജേഷ് പിള്ള എന്നും അദ്ദേഹം പറഞ്ഞത്. 2005 ൽ ഹൃദയത്തിൽ സൂക്ഷിക്കാൻ എന്ന കുഞ്ചാക്കോ ബോബൻ ചിത്രം ഒരുക്കിയാണ് രാജേഷ് പിള്ള മലയാളത്തിൽ അരങ്ങേറ്റം കുറിക്കുന്നത്. പിന്നീട് 2011 ഇൽ ട്രാഫിക്, 2015 ഇൽ മിലി, 2016 ഇൽ വേട്ട എന്നീ ചിത്രങ്ങൾ അദ്ദേഹം സംവിധാനം ചെയ്തു. അദ്ദേഹം നമ്മെ വിട്ടുപോയത് മോട്ടോർ സൈക്കിൾ ഡയറീസ് എന്ന ഒരു ചിത്രമൊരുക്കണമെന്നുള്ള സ്വപ്നം ബാക്കി വെച്ചാണ്.