മമ്മൂട്ടി ചിത്രം ഗാനഗന്ധർവ്വന്റെ പൂജ ചടങ്ങിലേക്ക് അപ്രതീക്ഷിതമായി ലാലേട്ടന്റെ എന്ററി [VIDEO]

മമ്മൂട്ടി നായകനായി എത്തുന്ന ഏറ്റവും പുതിയ ചിത്രമാണ് ഗാനഗന്ധർവ്വൻ .പഞ്ചവർണ്ണതത്ത എന്ന സിനിമയിലൂടെ സംവിധാനരംഗത്തേക്ക് കാലെടുത്തുവച്ച രമേശ് പിഷാരടിയാണ് ചിത്രം സംവിധാനം ചെയ്യുന്നത്. ചിത്രത്തിന്റെ പൂജ ചടങ്ങുകൾ ഇന്ന് നടന്നു. എറണാകുളം ഗ്രാൻഡ് ഹയത്‌ ഹോട്ടലിൽ വെച്ചായിരുന്നു ചടങ്ങുകൾ നടന്നത്.ചിത്രത്തിന്റെ ഷൂട്ടിങ്ങും ഇന്ന് ആരംഭിക്കും.

ഇതിനിടെ ചിത്രത്തിൻറെ പൂജ ചടങ്ങിലേക്ക് അപ്രതീക്ഷിത.മായി മോഹൻലാലും കടന്നുവന്നു മോഹൻലാൽ താമസിക്കുന്ന ഹോട്ടലിൽ വച്ചായിരുന്നു ചടങ്ങുകൾ നടന്നത്. രാവിലെ ജിമ്മിൽ വർക്കൗട്ട് ശേഷം പുറത്തേക്ക് പോകുകയായിരുന്നു മോഹൻലാൽ. ആ സമയത്താണ് അവിടെ പൂജാ ചടങ്ങ് നടന്നത്. സംവിധായകൻ രമേശ് പിഷാരടിക്ക് എല്ലാവിധ ആശംസകളും നേർന്നു മോഹൻലാൽ.

ഹാസ്യത്തിന് പ്രാധാന്യം നൽകുന്ന ചിത്രമായാണ് ഇത് ഒരുക്കിയിരിക്കുന്നത്.ചിത്രത്തിൽ മമ്മൂട്ടി ഒരു സ്റ്റേജ് ഗായകനായാണ് എത്തുന്നത്. ചിത്രത്തിൽ ഇതിൽ നാല് നായികമാർ ഉണ്ട് എന്നാണ് ഇപ്പോൾ ലഭിക്കുന്ന റിപ്പോർട്ടുകൾ. ഇതിൽ മൂന്നുപേരും പുതുമുഖങ്ങളായിരിക്കും നാലാമത്തെ നായിക ആരാണെന്ന് വ്യക്തമാക്കിയിട്ടില്ല.ചിത്രത്തിന്റെ രചന നിർവഹിച്ചിരിക്കുന്നത് രമേശ് പിഷാരടിയും ഹരി പി നായരും ചേർന്നാണ്. ഓണം റിലീസായി ചിത്രം തീയേറ്ററുകളിൽ എത്തിക്കാനാണ് ശ്രമം. ജയറാമും കുഞ്ചാക്കോ ബോബനും പ്രധാന വേഷങ്ങളെ അവതരിപ്പിച്ച പഞ്ചവർണ്ണതത്ത മികച്ച വിജയം കൈവരിച്ചിരുന്നു. ഏറെ കാലത്തിനു ശേഷമുള്ള ജയറാമിന്റെ തിരിച്ചുവരവ് കൂടിയായിരുന്നു ആ ചിത്രം.