പ്രിയദർശന്റെ സംവിധാനത്തിൽ മോഹൻലാൽ നായകനായി എത്തുന്ന കുഞ്ഞാലി മരക്കാർ കഴിഞ്ഞ മാസം പ്രഖ്യാപിക്കുകയുണ്ടായി. കൊച്ചി ക്രൗൻ പ്ലാസയിൽ വെച്ചാണ് ചിത്രത്തിന്റെ പ്രഖ്യാപനം നടന്നത്.മരക്കാർ .. അറബിക്കടലിന്റെ സിംഹം എന്നാണ് ചിത്രത്തിന്റെ പേര് …ആന്റണി പെരുമ്പാവൂർ ആണ് ചിത്രം നിർമിക്കുന്നത്. ആശിർവാദ് സിനിമാസിന്റെ ഇരുപത്തി അഞ്ചാമത്തെ സിനിമയാണ് മരക്കാർ.
ഡോക്ടർ റോയ് സി ജെയും സന്തോഷ് കുരുവിളയും ചിത്രത്തിന്റെ സഹാനിര്മാതാക്കൾ ആകും.100 കോടിയാണ് ചിത്രത്തിന്റെ ബഡ്ജറ്റ്.വിദേശത്ത് നിന്നുള്ള നിരവധി ടെക്‌നീഷ്യന്മാർ ചിത്രത്തിന്റെ ഭാഗമാകും.
ചിത്രത്തിന്റെ കാസ്റ്റിംഗ് പൂർത്തിയായി വരികയാണ്.ചിത്രത്തിലെ ആദ്യ ഒഫീഷ്യൽ കാസ്റ്റ് പുറത്ത് വിട്ടിരിക്കുകയാണ് അണിയറ പ്രവർത്തകർ ഇപ്പോൾ.ചിത്രത്തിൽ കുഞ്ഞാലി മരയ്ക്കാർ ഒന്നാമനായി മലയാളത്തിന്റെ പ്രഗൽഭനായ നടൻ മധു അഭിനയിക്കും എന്ന വാർത്തയാണ് ചിത്രത്തെ കുറിച്ച് ഏറ്റവും പുതിയതായി പുറത്ത് വിട്ട വാർത്ത.ഫേസ്ബുക്കിൽ കൂടിയാണ് വാർത്ത പുറത്ത് വിട്ടത്.
ഇപ്പോൾ ഇതാ ചിത്രത്തിന്റെ കലാ സംവിധായകൻ സാബു സിറിൽ ആണെന്ന് വ്യക്തമാക്കിയിരിക്കുകയാണ് അണിയറ പ്രവർത്തകർ.പ്രിയദർശനോടൊപ്പം നിരവധി ചിത്രങ്ങളിൽ നേരത്തെ തന്നെ ഭാഗമായിട്ടുള്ള ആളാണ് സാബു സിറിൽ.യന്തിരൻ,ബാഹുബലി തുടങ്ങിയ ചിത്രങ്ങളിൽ കലാ സംവിധാനം നിർവഹിച്ചതും സാബു ആയിരുന്നു.
