നൂറുകോടിയിലേക്ക് മധുരരാജ നീങ്ങുന്നു ; സ്ഥിരീകരണവുമായി നടൻ അലക്സാണ്ടർ പ്രശാന്ത്

നൂറുകോടിയിലേക്ക് മധുരരാജ നീങ്ങുന്നു ; സ്ഥിരീകരണവുമായി നടൻ അലക്സാണ്ടർ പ്രശാന്ത്

മെഗാസ്റ്റാർ മമ്മൂട്ടി നായകനായ ഏറ്റവും പുതിയ ചിത്രമായിരുന്നു മധുരരാജ.ഒരു മാസ്സ് മസാല ചിത്രത്തിന് വേണ്ട എല്ലാ ചേരുവകളും ചേർത്തിണക്കിയാണ് മധുരരാജ എത്തിയിരുന്നത്. മാസ്‌സ്സിന് മാസ്സ് ഫൈറ്റിന് ഫൈറ്റ് കോമഡിക്ക്‌ കോമഡി ഡാൻസിന് ഡാൻസ് അങ്ങനെ ഒരു ഫാമിലി ഇന്റർടെയ്നറിന്  വേണ്ട എല്ലാ ചേരുവകളും ചിത്രത്തിൽ കൃത്യം കൃത്യമായി ഒന്നിപ്പിച്ചിരുന്നു.ചിത്രം ഇപ്പോൾ 100 കോടി ക്ലബ്ബിലേക്ക് അടുക്കുന്നു എന്ന സ്ഥിരീകരണവുമായി എത്തിയിരിക്കുകയാണ് ചിത്രത്തിലെ തന്നെ മുഖ്യ അഭിനേതാവായ അലക്സാണ്ടർ പ്രശാന്ത്. മധുരരാജയുടെ ക്ലൈമാക്സിൽ മിനിസ്റ്റർ രാജ്യും കൂട്ടരും നടന്നുവരുന്ന ഒരു ചിത്രംപങ്കുവെച്ചാണ് നൂറു കോടിയിലേക്ക് ചിത്രം കുതിക്കുന്നു എന്ന വാർത്ത അലക്സാണ്ടർ തന്റെ ഫേസ്ബുക്ക് പേജിലൂടെ പങ്കുവെച്ചത്.

മധുരാജക്ക് ശേഷം അർജുൻ കപൂർ നായകനാകുന്ന ഇന്ത്യാസ് മോസ്റ്റ് വാണ്ടഡ് എന്ന ബോളിവുഡ് ചിത്രത്തിലൂടെ തന്റെ ബോളിവുഡ് രംഗത്തേക്കുള്ള അരങ്ങേറ്റം കുറിക്കുകയാണ് അലക്സാണ്ടർ. വൈശാഖ് സംവിധാനം ചെയ്ത് ഉദയകൃഷ്ണ തിരക്കഥ രചിച്ച മധുരരാജ 100 കോടി ക്ലബ്ബിൽ കയറാൻ ഒരുങ്ങുന്നു എന്ന വാർത്തകൾ മുൻപേ തന്നെ പ്രചരിച്ചിരുന്നെങ്കിലും അതിലൊരു സ്ഥിരീകരണം നിർമ്മാതാവ് നെൽസൺ ഐപ്പ് ഇതുവരെ പുറത്തു വിട്ടിട്ടുണ്ടായിരുന്നില്ല. ഇതിനോടകം 50 കോടി കടന്ന മധുരരാജ 100 കോടി ക്ലബ്ബിൽ എത്തിയോ എന്ന ആകാംക്ഷയിലാണ് ആരാധകർ. ചിത്രം 12 ദിവസം കൊണ്ടാണ് 50 കോടി ക്ലബ്ബിൽ ഇടം പിടിച്ചത്.മധുര രാജ എന്ന ടൈറ്റിൽ കഥാപാത്രം മമൂക്കയിൽ ഭദ്രമായിരുന്നു എന്നതിനു തെളിവാണ് ഇപ്പോൾ പുറത്തു വരുന്ന വാർത്തകൾ.മഹിമ നമ്പ്യാർ, ഷംന കാസിം ,അനുശ്രീ ,അന്ന രാജൻ എന്നിവരാണ് ചിത്രത്തിൽ നായികമാരായി എത്തിയത്.