പ്രേക്ഷകര്‍ ഏറെ ആകാംക്ഷയോടെ കാത്തിരിക്കുന്ന കമല്ഹാസന് ചിത്രമാണ് ‘വിക്രം’. ജൂണ്‍ മൂന്നിനാണ് ചിത്രത്തിന്റെ റിലീസ് തീരുമാനിച്ചിരിക്കുന്നത്. ഇപ്പോഴിതാ ചിത്രത്തിന് പതിമൂന്ന് സ്ഥലങ്ങളില്‍ സെന്‍സര്‍ ബോര്‍ഡ് കട്ട് നല്‍കിയിട്ടുണ്ടെന്ന റിപ്പോര്‍ട്ടുകളാണ് പുറത്തുവന്നിരിക്കുന്നത്. അശ്ലീല പദപ്രയോഗങ്ങളും വയലന്‍സുമാണ് സെന്‍സര്‍ ബോര്‍ഡ് നടപടിക്ക് കാരണമെന്നും റിപ്പോര്‍ട്ടില്‍ പറയുന്നു.
മോശം പദപ്രയോഗങ്ങളും വയലന്‍സ് രംഗങ്ങളും എല്ലാത്തരം പ്രേക്ഷകര്‍ക്കും കാണാന്‍ അനുയോജ്യമല്ലെന്ന് ആരോപിച്ചാണ് ചിത്രത്തില്‍ ഇത്രമാത്രം വെട്ടിനിരത്തല്‍ നടത്തിയിരിക്കുന്നത്. അശ്ലീല പദങ്ങള്‍ ഉപയോഗിക്കുന്നത് ചിത്രത്തില്‍ മ്യൂട്ട് ചെയ്തിട്ടുണ്ട്. വെട്ടിച്ചുരുക്കലുകള്‍ക്ക് ശേഷം സിനിമയുടെ ദൈര്‍ഘ്യം കുറഞ്ഞിട്ടുണ്ട്.
ലോകേഷ് കനകരാജ് സംവിധാനം ചെയ്തിരിക്കുന്ന ചിത്രത്തിന് യു/എ സര്‍ട്ടിഫിക്കറ്റ് ആണ് ലഭിച്ചിരിക്കുന്നത്. കമല്ഹാസന് പുറമേ വിജയ് സേതുപതി, ഫഹദ് ഫാസില്‍, സൂര്യ എന്നിവരും ചിത്രത്തിലുണ്ട്.
