ഹാട്രിക്ക് വിജയം നുകർന്ന് 2018 അവിസ്മരണീയമാക്കി മുന്നേറുന്ന ചാക്കോച്ചന്റെ പുതിയ ചിത്രം അനൗൺസ് ചെയ്തു. അരികിൽ ഒരാൾ , ചന്ദ്രേട്ടൻ എവിടെയാ , കലി , വർണ്യത്തിൽ ആശങ്ക തുടങ്ങിയ നല്ല സിനിമകൾ മലയാളിക്ക് സമ്മാനിച്ച ആഷിക്ക് ഉസ്മാൻ പ്രൊഡക്ഷൻസിന്റെ പുതിയ ചിത്രത്തിലാണ് ചാക്കോച്ചൻ നായകനാവുന്നുത്. നവാഗതനായ ബിലഹരി സംവിധാനം ചെയ്യുന്ന ചിത്രത്തിന് അള്ളു രാമേന്ദ്രൻ എന്നാണ് പേരിട്ടിരിക്കുന്നത്. ചാക്കോച്ചനൊപ്പം കൃഷ്ണ ശങ്കറും ചിത്രത്തിൽ പ്രധാന വേഷത്തിലെത്തുന്നു . ജിംഷി ഖാലിദ് ക്യാമറ കൈകകാര്യം ചെയുന്ന ചിത്രത്തിന്റെ സംഗീതം ഷാൻ റഹ്‌മാനാണ് . ചിത്രത്തിന്റ ഫസ്റ്റ് ലുക്ക് പുറത്തിറങ്ങി.സെൻട്രൽ പിക്ച്ചേഴ്സാണ് ചിത്രം തിയേറ്ററിൽ എത്തിക്കുന്നത്.
