മലയാളി സിനിമാപ്രേമികൾ എല്ലാക്കാലത്തും നെഞ്ചേറ്റി ലാളിക്കുന്ന ഒരു ചിത്രമാണ് മാളൂട്ടി. സർവൈവൽ ത്രില്ലർ പ്രമേയമായ ചിത്രം സംവിധാനം ചെയ്തത് ഭരതൻ ആയിരുന്നു. 1990ൽ പുറത്തിറങ്ങിയ ചിത്രത്തിൽ ബേബി ശ്യാമിലി ആയിരുന്നു മാളൂട്ടി ആയി എത്തിയത്. ഒരു അഞ്ചു വയസുകാരി കുഴൽക്കിണറിൽ പോകുന്ന കഥ ആയിരുന്നു ചിത്രം പറഞ്ഞത്.
അഞ്ചു വയസുകാരിയായ മാളൂട്ടിയുടെ കുഞ്ഞുനാൾ അവതരിപ്പിച്ചത് ആരെന്ന് കുറേ കാലമായി ചോദ്യം ഉയർന്നിരുന്നു. ഇപ്പോൾ അതിനുത്തരം ലഭിച്ചിരിക്കുകയാണ്. മാളൂട്ടിയുടെ കുഞ്ഞുപ്രായം അവതരിപ്പിച്ചയാൾ തന്നെയാണ് അക്കാര്യം വെളിപ്പെടുത്തിയിരിക്കുന്നത്. മറ്റാരുമല്ല, ഗായികയായ അഭയ ഹിരൺമയിയാണ് കുഞ്ഞു മാളൂട്ടിയെ സിനിമയിൽ അവതരിപ്പിച്ചത്.
”ആറാം മാസത്തിലാണ് ഞാന്‍ സിനിമയില്‍ മുഖം കാണിക്കുന്നത്. ഭരതന്‍ അങ്കിള്‍ ആണ് എന്നെ മാളൂട്ടിയിലേക്ക് കൊണ്ടുവരുന്നത്. പൊടി കുഞ്ഞായിട്ട് ആ പാട്ടിലുണ്ട്. അതില്‍ അഭിനയിച്ചതിന് ഗിഫ്റ്റ് ആയിട്ട് അങ്കിള്‍ എനിക്ക് ഒരു കുഞ്ഞുടുപ്പ് വാങ്ങി തന്നു.” – ഒരു ലെജന്ററിയായ വ്യക്തിയുടെ കൂടെയാണ് തന്റെ തുടക്കമെന്ന് അഭയ കൗമുദിക്ക് നല്‍കിയ അഭിമുഖത്തില്‍ പറഞ്ഞിരുന്നു.
