ഇന്ത്യയിലെ ഏറ്റവും മികച്ച ഡാന്‍സ് കൊറിയോഗ്രാഫറില്‍ ഒരാളായ ബ്രിന്ദ ആദ്യമായി സംവിധാനം ചെയ്യുന്ന ചിത്രമാണ് ഹേ സിനാമിക. ദുൽഖർ സൽമാനാണ് ചിത്രത്തിൽ നായകനായി എത്തുന്നത്. തമിഴ്, ഹിന്ദി ഭാഷകളിലായി നൂറോളം ചിത്രങ്ങളിൽ ബ്രിന്ദ പ്രവർത്തിച്ചിട്ടുണ്ട്. ചിത്രത്തിൽ നായികയായി തെന്നിന്ത്യൻ സുന്ദരി കാജൽ അഗർവാൾ എത്തും. ഇത് ആദ്യമായാണ് ഒരു മലയാളി നടന്റെ നായികയായി കാജൽ എത്തുന്നത്. തെന്നിന്ത്യൻ സുന്ദരി അതിഥി റാവുവും ചിത്രത്തിൽ മറ്റൊരു നായിക കഥാപാത്രത്തെ അവതരിപ്പിക്കുന്നുണ്ട്.
ചിത്രത്തിലെ അച്ചമില്ലൈ എന്ന അടിപൊളി ഗാനം ഇപ്പോൾ പുറത്തിറങ്ങിയിരിക്കുകയാണ്. ഗോവിന്ദ് വസന്ത ഈണമിട്ടിരിക്കുന്ന ഗാനം ആലപിച്ചിരിക്കുന്നതും ദുൽഖർ സൽമാൻ തന്നെയാണ്. നക്ഷത്ര നാഗേഷ്, മിർച്ചി വിജയ്, താപ, കൗശിക്, അഭിഷേക് കുമാർ, പ്രദീപ് വിജയൻ, കോതണ്ഡ രാമൻ, ഫ്രാങ്ക്, സൗന്ദര്യ, നഞ്ചുണ്ടൻ, ജെയ്ൻ തോംപ്‌സൺ, രഘു, സംഗീത, ധനഞ്ജയൻ, യോഗി ബാബു എന്നിവരാണ് മറ്റ് കഥാപാത്രങ്ങളെ അവതരിപ്പിക്കുന്നത്.
പ്രീത ജയരാമനാണ് ഛായാഗ്രഹണം നിർവഹിക്കുന്നത്. കർക്കി തിരക്കഥയും സംഭാഷണവും ഗാനരചനയും നിർവഹിക്കുന്നു. ജിയോ സ്റ്റുഡിയോസാണ് നിർമ്മാണം. കലാസംവിധാനം – എസ് എസ് മൂർത്തി, സെന്തിൽ രാഘവൻ, എഡിറ്റിംഗ് – രാധ ശ്രീധർ, അസ്സോസിയേറ്റ് പ്രൊഡ്യൂസർ – ഗ്ലോബൽ വൺ സ്റ്റുഡിയോസ്, എക്‌സിക്യൂട്ടീവ് പ്രൊഡ്യൂസേഴ്സ് – ഫ്രാങ്ക് മിഖായേൽ, രഞ്ജിനി രമേശ്, എസ് പ്രേം.
