അജ്ഞാത നമ്പറില്‍ നിന്നും വിഡിയോ കോള്‍ വിളിച്ച ശേഷം ഭീഷണിപ്പെടുത്തി പണം തട്ടുന്ന സംഘം വ്യാപകമെന്ന് നടന്‍ അനീഷ് രവി. തന്റെ സഹപ്രവര്‍ത്തകന് നേരിട്ട അനുഭവം കൂടി വ്യക്തമാക്കുകയാണ് നടന്‍ അനീഷ് രവി. ഫെയ്‌സ്ബുക്ക് ലൈവിലെത്തിയാണ് താരം ഇക്കാര്യം പറഞ്ഞത്.
ആര്‍ട്ട് ഡയറക്ടറായ അനിലിന് ഒരു അജ്ഞാത നമ്പറില്‍ നിന്ന് വീഡിയോ കോള്‍ വന്നു. കോള്‍ എടുത്തപ്പോള്‍ ഒരു പെണ്‍കുട്ടി സംസാരിക്കുന്നു. പിന്നീട് അവര്‍ സ്വയം വസ്ത്രം മാറ്റുകയാണ്. ഉടന്‍ കോള്‍ കട്ട് ചെയ്‌തെങ്കിലും പിന്നീട് ഇതിന്റെ സ്‌ക്രീന്‍ റെക്കോര്‍ഡും മറ്റ് വിഡിയോകളും എഡിറ്റ് ചെയ്ത് കയറ്റിയ ശേഷം ഒരു വിഡിയോ അയച്ചുകൊടുക്കുകയായിരുന്നു.
11,500 രൂപ കൊടുത്തില്ലെങ്കില്‍ ഇത് യൂട്യൂബില്‍ അപ്പ് ചെയ്യും എന്നാണ് ഭീഷണി. ഇത്തരം ഭീഷണിക്ക് ഇരയായ ഒട്ടേറെ പേര്‍ സിനിമാമേഖലയില്‍ തന്നെയുണ്ടെന്ന് താരം പറയുന്നു. ദയവായി അറിയാത്ത നമ്പറുകളില്‍ നിന്നും വരുന്ന വിഡിയോ കോള്‍ എടുക്കരുതെന്ന് അഭ്യര്‍ഥിച്ച് കൊണ്ടാണ് അദ്ദേഹം വിഡിയോയില്‍ പറയുന്നുണ്ട്.
