പോത്തന്‍വാവ എന്ന ചിത്രത്തിലൂടെ മലയാള സിനിമയില്‍ അരങ്ങേറ്റം കുറിച്ച നടനാണ് ബിജുക്കുട്ടന്‍. ചിത്രത്തില്‍ മമ്മൂട്ടിയുടെ ഉറ്റ സുഹൃത്തിന്റെ വേഷത്തിലാണ് താരം എത്തിയത്. അതിന് ശേഷം ഒരുപിടി ചിത്രങ്ങളില്‍ അദ്ദേഹം വേഷമിട്ടു.
ഏറ്റവും ഒടുവില്‍ മിന്നല്‍ മുരളിയിലാണ് ബിജുക്കുട്ടന്‍ അഭിനയിച്ചത്. സോഷ്യല്‍ മീഡിയയില്‍ സജീവമായ താരം ഇടയ്ക്ക് മകള്‍ക്കൊപ്പമുള്ള വിഡിയോ പങ്കുവയ്ക്കാറുണ്ട്. ഇപ്പോഴിതാ അത്തരത്തില്‍ ഒരു വിഡിയോയാണ് വൈറലായിരിക്കുന്നത്.
‘അണ്ടിപ്പിള്ളിക്കാവിലെ മൈക്കിള്‍ ജാക്‌സണ്‍’ എന്ന ക്യാപ്ഷനോടെയാണ് വിഡിയോ ഷെയര്‍ ചെയ്തിരിക്കുന്നത്. ‘ദി വാരിയര്‍’ എന്ന ചിത്രത്തിലെ ഗാനത്തിനാണ് ഇരുവരും ചുവടുവച്ചിരിക്കുന്നത്. ദേവ് ശ്രീ പ്രസാദ് സംഗീതം നല്‍കിയിരിക്കുന്ന ഗാനം ആലപിച്ചിരിക്കുന്നത് സിലമ്പരസനും ഹരിപ്രിയയും ചേര്‍ന്നാണ്. നിരവധി പേരാണ് വിഡിയോക്ക് ലൈക്ക് ചെയ്തും കമന്റ് ചെയ്തും എത്തിയത്.
