സൂപ്പർ ഹിറ്റ് ചിത്രം ‘വിക്രം’ മിലെ പാട്ടിന് ചുവടുവെച്ച് നടൻ ജോജു ജോർജും മകളും. മകൾ പാത്തുവിന് ഒപ്പമാണ് ജോജു ജോർജ് ചുവടു വെച്ചത്. പാത്തു തന്നെയാണ് തന്റെ ഫേസ്ബുക്ക് അക്കൗണ്ടിൽ അച്ഛനൊപ്പമുള്ള ഡാൻസ് പങ്കുവെച്ചത്. ‘ആരംഭിക്കാലാമ… അപ്പ പാത്തു ഡാൻസ്’ എന്ന അടിക്കുറിപ്പോടെയാണ് പാത്തു വീഡിയോ ഫേസ്ബുക്കിൽ പങ്കുവെച്ചത്. നിരവധി പേരാണ് പാട്ടിന് ലൈക്കും കമന്റുമായി എത്തിയിരിക്കുന്നത്. ഡാൻസ് അടിപൊളിയെന്നും, നല്ലതാണെന്നും നിരവധി പേരാണ് കമന്റ് ബോക്സിൽ കുറിച്ചത്. ‘പാത്തുമോൾ പൊളിച്ചു’, ‘പാത്തു യു റോക്ക്’, ‘പൊളി ജോജു’ എന്നിങ്ങനെയും പോകുന്നു കമന്റുകൾ.
ഇതിനു മുമ്പും പാത്തുവിന്റെ ഡാൻസ് സോഷ്യൽ മീഡിയയിൽ വൈറലായിരുന്നു. അന്ന് മകളുടെ ഡാൻസ് പകർത്തിയത് ജോജു ജോർജ് ആയിരുന്നു. മകളുടെ സമീപത്ത് നിന്ന് ഡാൻസ് ഷൂട്ട് ചെയ്യുന്നതിന്റെ വീഡിയോ ജോജു തന്നെയാണ് അന്ന് സോഷ്യൽ മീഡിയയിൽ പങ്കുവെച്ചത്. സിനിമ കഴിഞ്ഞുള്ള ഒഴിവു സമയങ്ങൾ കൂടുതലും കുടുംബത്തോടൊപ്പം ചിലവഴിക്കുന്ന ജോജു കുടുംബവിശേഷങ്ങളും സോഷ്യൽ മീഡിയയിൽ പങ്കുവെയ്ക്കാറുണ്ട്.
ഇയാൻ, ഇവാൻ, സാറ എന്നിങ്ങനെ മൂന്ന് മക്കളാണ് ജോജുവിനുള്ളത്. ഇവരെ അപ്പു, പപ്പു, പാത്തു എന്നാണ് വീട്ടിൽ വിളിക്കുന്നത്. 1995ൽ മഴവിൽ കൂടാരം എന്ന ചിത്രത്തിൽ ജൂനിയർ ആർട്ടിസ്റ്റ് ആയിട്ടാണ് ജോജു ജോർജ് അഭിനയം ആരംഭിച്ചത്. 2018ൽ പുറത്തിറങ്ങിയ ജോസഫ് എന്ന ചിത്രത്തിൽ പ്രധാന കഥാപാത്രത്തെ അവതരിപ്പിച്ചിരുന്നു. ഇത് ജോജുവിന്റെ കരിയറിലെ തന്നെ വഴിത്തിരിവായി മാറിയ ചിത്രമായിരുന്നു.
