ശ്യാം മോഹന്‍ സംവിധാനം ചെയ്യുന്ന കൊച്ചാള്‍ എന്ന ചിത്രത്തിലെ മറ്റൊരു ടീസര്‍ കൂടി പുറത്തുവിട്ട് അണിയറപ്രവര്‍ത്തകര്‍. മുരളി ഗോപി അവതരിപ്പിക്കുന്ന പൊലീസ് കഥാപാത്രത്തിന്റെ വിഡിയോയാണ് പുറത്തുവിട്ടിരിക്കുന്നത്. ‘ഇരുമ്പന്‍ സാറ് ആളൊരു കാലനാ’ എന്നാണ് ഇന്ദ്രന്‍സ് അവതരിപ്പിക്കുന്ന കഥാപാത്രം മുരളി ഗോപിയുടെ കഥാപാത്രത്തെക്കുറിച്ച് പറയുന്നത്. സൈമണ്‍ തോമസ് എന്നാണ് മുരളി ഗോപിയുടെ കഥാപാത്രത്തിന്റെ പേര്.
നേരത്തെ ഷൈന്‍ ടോം ചാക്കോയുടെ കഥാപാത്രത്തെ പ്രേക്ഷകര്‍ക്ക് മുന്നിലെത്തിച്ചുകൊണ്ടുള്ള ടീസര്‍ അണിയറപ്രവര്‍ത്തകര്‍ പുറത്തുവിട്ടിരുന്നു. പിങ്കര്‍ ബാബു എന്ന ‘പന്നി വോട്ടക്കാരനായാണ് ഷൈന്‍ ടോം ചിത്രത്തിലെത്തുന്നത്. കൃഷ്ണ ശങ്കര്‍ ആണ് ചിത്രത്തിലെ നായകന്‍. പൊലീസ് കഥാപാത്രത്തെയാണ് കൃഷ്ണ ശങ്കര്‍ അവതരിപ്പിക്കുന്നത്.
സിയാറാ ടാക്കീസിന്റെ ബാനറില്‍ ദീപ് നാഗ്ഡയാണ് ചിത്രം നിര്‍മിക്കുന്നത്. കഥ, തിരക്കഥ, സംഭാഷണം ഒരുക്കിയിരിക്കുന്നത് മിഥുന്‍ പി മദനന്‍, പ്രജിത്ത് കെ. പുരുഷന്‍ എന്നിവര്‍ ചേര്‍ന്നാണ്. ജോമോന്‍ തോമസ് ഛായാഗ്രഹണവും ബിജീഷ് ബാലകൃഷ്ണന്‍ എഡിറ്റിംഗ് നിര്‍വഹിക്കുന്നു. പുതുമുഖം ചൈതന്യയാണ് ചിത്രത്തില്‍ നായികയാകുന്നത്. ഷറഫുദ്ദീന്‍, രഞ്ജി പണിക്കര്‍, വിജയരാഘവന്‍, ഇന്ദ്രന്‍സ്, കൊച്ചു പ്രേമന്‍, ശ്രീകാന്ത് മുരളി, ഷറഫുദ്ദീന്‍, ചെമ്പില്‍ അശോകന്‍, മേഘനാഥന്‍, സേതുലക്ഷ്മി, ശ്രീലക്ഷ്മി, കലാരഞ്ജിനി, ആര്യ സലിം തുടങ്ങിയവരാണ് ചിത്രത്തിലെ മറ്റ് കഥാപാത്രങ്ങളെ അവതരിപ്പിക്കുന്നത്.
