മിമിക്രിയിലൂടെ മലയാളികളുടെ പ്രിയങ്കരനായി മാറിയ കലാകാരനാണ് നാദിർഷ. പിന്നീട് അഭിനേതാവായും ഗായകനായും ടെലിവിഷൻ അവതാരകനായും ശ്രദ്ധേയനായ താരം അമർ അക്ബർ അന്തോണി എന്ന സിനിമയിലൂടെ സംവിധാനരംഗത്തേക്കും എത്തി. നാദിർഷ സോഷ്യൽ മീഡിയയിൽ പങ്കുവെച്ച ഒരു പോസ്റ്റ് ആണ് ഇപ്പോൾ വൈറലായിരിക്കുന്നത്. തന്റെ രണ്ട് മക്കൾക്കും ഒപ്പമുള്ള ചിത്രമാണ് നാദിർഷ സോഷ്യൽ മീഡിയയിൽ പങ്കുവെച്ചത്.
ഏതായാലും ചിത്രം കണ്ടപാടേ നാദിർഷയെ സന്തൂർ ഡാഡി എന്നാണ് ആരാധകർ വിശേഷിപ്പിക്കുന്നത്. ചിലർ നാദിർഷയുടെ സൗന്ദര്യത്തെ വാനോളം പുകഴ്ത്തിയപ്പോൾ മറ്റു ചിലർ സന്തുഷ്ടനായ അച്ഛനെ അഭിനന്ദിച്ചു. ‘ബ്ലാക് ഡ്രസ്സ്‌ ഇട്ടിരിക്കുന്ന പയ്യന്റെ പ്രായം ഓരോ വർഷം വരുമ്പോഴും കുറയുകയാണല്ലോ….+2 അഡ്മിഷൻ എടുക്കേണ്ടി വരുമോ’, എന്നിങ്ങനെ പോകുന്നു കമന്റുകൾ.
ദിലീപ് നായകനായി എത്തിയ കേശു ഈ വീടിന്‍റെ നാഥന്‍ എന്ന സിനിമയാണ് നാദിര്‍ഷയുടെ സംവിധാനത്തില്‍ അവസാനം പ്രദര്‍ശനത്തിനെത്തിയ ചിത്രം. ഡിസ്നി പ്ലസ് ഹോട്ട്സ്റ്റാറിന്‍റെ ഡയറക്ട് റിലീസ് ആയിരുന്നു ഈ ചിത്രം. ഫണ്‍ ഫാമിലി എന്‍റര്‍ടെയ്‍നര്‍ ചിത്രത്തിന് തിരക്കഥ ഒരുക്കിയത് ‘തൊണ്ടിമുതലും ദൃക്സാക്ഷിയും’ ഉള്‍പ്പെടെയുള്ള ചിത്രങ്ങളുടെ രചന നിര്‍വ്വഹിച്ച സജീവ് പാഴൂര്‍ ആയിരുന്നു. ഉര്‍വ്വശി ആയിരുന്നു ചിത്രത്തിൽ നായികയായി എത്തിയത്. ജയസൂര്യ നായകനാവുന്ന ഈശോയ്ക്കു ശേഷം നാദിര്‍ഷ സംവിധാനം ചെയ്യുന്ന മറ്റൊരു ചിത്രവും പ്രഖ്യാപിച്ചിട്ടുണ്ട്.
