‘ഈ അതിശയിപ്പിക്കുന്ന കഥയുടെ ഭാഗമാകാൻ കഴിഞ്ഞതിൽ അതിയായ ആവേശം’ – ആര്യൻ രമണി ഗിരിജാവല്ലഭന്റെ ആദ്യചിത്രത്തിൽ നിവിൻ പോളി നായകൻ

മലയാളത്തിന്റെ പ്രിയതാരം നിവിൻ പോളിയെ നായകനാക്കി തന്റെ ആദ്യ. ചിത്രം പ്രഖ്യാപിച്ച് നവാഗതസംവിധായകൻ ആര്യൻ രമണി ഗിരിജാവല്ലഭൻ. നിവിൻ പോളി തന്നെയാണ് സോഷ്യൽ മീഡിയയിലൂടെ തന്റെ പുതിയ ചിത്രം പ്രഖ്യാപിച്ചത്. ‘ഒരു വലിയ കാര്യം സംഭവിക്കാൻ പോകുകയാണ്. ഈ അതിശയിപ്പിക്കുന്ന കഥയുടെ ഭാഗമാകാൻ കഴിഞ്ഞതിൽ അതിയായ ആവേശമുണ്ട്. മിടുക്കനായ ആര്യനുമായി സഹകരിക്കാൻ കാത്തിരിക്കുന്നു.’ – സിനിമയുടെ ഫസ്റ്റ് ലുക്ക് പോസ്റ്റർ പങ്കുവെച്ചു കൊണ്ട് നിവിൻ പോളി കുറിച്ചു. സിനിമയുമായി ബന്ധപ്പെട്ട കൂടുതൽ വിവരങ്ങൾ വരും ദിവസങ്ങളിൽ അറിയിക്കാമെന്നും നിവിൻ പോളി കുറിച്ചിട്ടുണ്ട്. സിനിമ എഴുതി സംവിധാനം ചെയ്യുന്നത് ആര്യൻ തന്നെയാണ്.

‘ബേൺ മൈ ബോഡി’ എന്ന ചിത്രത്തിന് ശേഷമാണ് ഒരു മുഴുനീള ഫീച്ചർ ഫിലിമുമായി ആര്യൻ എത്തുന്നത്. തന്റെ പുതിയ സിനിമയുടെ സന്തോഷം ആര്യനും സോഷ്യൽ മീഡിയയിൽ പങ്കുവെച്ചു. ‘Burn my body short film ന്‌ ശേഷം എന്താണ്‌ അടുത്തത്‌??” ഏറെ നാളുകളായി പ്രിയപ്പെട്ടവർ പലവരും ചോദിക്കുന്ന‌ ആ ചോദ്യത്തിന്‌ ഇന്ന് എനിക്ക്‌ ഒരു ഉത്തരമുണ്ട്‌ – “Yes, It’s my first feature film.! ❤️ ‌ഈ സിനിമയിൽ നായകനാവാൻ ഞാൻ കൊതിച്ച നടനെ തന്നെ എനിക്ക്‌ കിട്ടി – Nivin Pauly! 🤗❤️ Thanks to the universe. 🙏 സൗമ്യക്കും എന്റെ പൊന്ന് മക്കൾക്കും, അമ്മക്കും അച്ഛനും,സൗമ്യയുടെ അച്ഛനും അമ്മക്കും, അനുജന്മാർക്കും കെട്ടിപ്പിടിച്ച്‌ ഉമ്മകൾ.. പ്രിയ സഹോദരൻ കുട്ടു ശിവാനന്ദനും ഉമ്മകൾ.. ഇന്നോളം എന്നെ ചേർത്ത്‌ പിടിച്ച എല്ലാവർക്കും നന്ദി.. 🙏❤️”

”ഏറെ കൊതിച്ച ജീവിതത്തിന്റെ മറ്റൊരു ഘട്ടത്തിലേക്ക്‌ കടക്കുകയാണ്‌. കൂടെ ഉണ്ടാവണം. 🙏കഴിഞ്ഞ എന്റെ 5 വർഷത്തെ എന്റെ വിയർപ്പ്‌, മജ്ജ, മാസം, രക്തം എല്ലാമാണീ സിനിമ. (I know, വളരെ ഇമോഷണൽ ആണ്‌ ഞാൻ ഇപ്പോൾ.. )പറഞ്ഞ്‌ ഓവറാക്കുന്നില്ല, ഒരായുസ്സിന്റെ കാത്തിരിപ്പാണ്‌. മനസ്സിൽ ഞാൻ കണ്ട ഈ സിനിമ പോലെ, ഞാൻ ഈ സിനിമയേ എത്ര ഇഷ്ടപ്പെടുന്നോ അത്രയും നന്നായി നിങ്ങൾക്ക്‌ ഇഷ്ടപ്പെടാൻ കഴിയുന്ന പോലെ ഈ സിനിമ നിങ്ങൾക്കായി ഒരുക്കണം എന്നുണ്ട്‌. അതിനായി ഞാൻ എന്റെ മുഴുവൻ ശക്തിയും എടുത്ത്‌‌ ‌ ശ്രമിക്കും. Need all your blessings and prayers . ❤️☺️🙏 സിനിമയെ കുറിച്ചുള്ള കൂടുതൽ വിശേഷങ്ങൾ വഴിയേ പറയാം.. ☺️🙏” – തന്റെ കുറിപ്പിൽ ആര്യൻ വ്യക്തമാക്കുന്നു.