നിരവധി ആരാധകരുള്ള താരമാണ് പ്രണവ് മോഹന്‍ലാല്‍. വിനീത് ശ്രീനിവാസന്‍ സംവിധാനം ചെയ്ത ‘ഹൃദയം’ ആണ് പ്രണവിന്റേതായി ഒടുവില്‍ പുറത്തിറങ്ങിയ ചിത്രം. അഭിനയത്തിന് ബ്രേക്ക് നല്‍കി യാത്രകളിലേക്ക് തിരിഞ്ഞിരിക്കുകയാണ് പ്രണവ്. ഇപ്പോഴിതാ പ്രണവിനെ അപ്രതീക്ഷിതമായി കണ്ട ഒരു ആരാധികയുടെ ആഹ്ലാദപ്രകടനത്തിന്റെ വിഡിയോ ആണ് വൈറലായിരിക്കുന്നത്.
https://www.youtube.com/watch?v=rjqxbaNcle8
പ്രണവിനെ കണ്ട സന്തോഷത്തില്‍ ഫോട്ടോ എടുക്കുകയും കെട്ടിപ്പിടിക്കുകയും ചെയ്യുന്ന ആരാധികയെ വിഡിയോയില്‍ കാണാം. യാത്രക്കിടെയാണ് പ്രണവിനെ ആരാധിക കാണുന്നത്. സ്ഥലം ഏതെന്ന് വ്യക്തമല്ല. പ്രണവിന്റെ പുതിയ യാത്ര ഊട്ടിയിലേക്കാണെന്നാണ് ആരാധകരുടെ കണ്ടെത്തല്‍. ഇന്‍സ്റ്റഗ്രാം പേജില്‍ ഊട്ടില്‍ നിന്നുള്ള ചിത്രങ്ങള്‍ പ്രണവ് പങ്കുവച്ചിരുന്നു.
കഴിഞ്ഞ വര്‍ഷത്തെ മികച്ച ജനപ്രിയ ചിത്രത്തിനുള്ള സംസ്ഥാന ചലച്ചിത്ര പുരസ്‌കാരം ഹൃദയത്തിനായിരുന്നു. അരുണ്‍ നീലകണ്ഠന്‍ എന്ന കഥാപാത്രത്തെയായിരുന്നു പ്രണവ് ചിത്രത്തില്‍ അവതരിപ്പിച്ചത്. കല്യാണി പ്രിദര്‍ശന്‍, ദര്‍ശന രാജേന്ദ്രന്‍, അന്നു, അരുണ്‍ കുര്യന്‍, വിജയരാഘവന്‍, അജു വര്‍ഗീസ് തുടങ്ങിയവരാണ് ഹൃദയത്തില്‍ മറ്റ് കഥാപാത്രങ്ങളെ അവതരിപ്പിച്ചത്.
