വഴിയരികിലെ ബെഞ്ചില് കിടന്നുറങ്ങുന്ന പ്രണവ് മോഹന്ലാലിന്റെ ചിത്രം വൈറലായി. ഒരു പുരാതന കെട്ടിടത്തിന്റെ മുന്നിലാണ് പ്രണവിന്റെ കിടപ്പ്. താരം തന്നെയാണ് ചിത്രം ഇന്സ്റ്റഗ്രാമിലൂടെ പങ്കുവച്ചത്. നിരവധി പേരാണ് ചിത്രത്തിന് ലൈക്കും കമന്റുമായി എത്തിയത്.
പ്രണവ് മോഹന്ലാല് യൂറോപ്പ് യാത്രയിലാണെന്നും ഒരു രാജ്യത്തു നിന്ന് മറ്റൊരു രാജ്യത്തേക്ക് എണ്ണൂറ് മൈല് കാല്നടയായാണ് ഇപ്പോള് യാത്ര ചെയ്യുന്നതെന്നും വിനീത് ശ്രീനിവാസന് അടുത്തിടെ ഒരു അഭിമുഖത്തില് പറഞ്ഞിരുന്നു. മുകുന്ദന് ഉണ്ണി അസോസിയേറ്റ്സ് എന്ന ചിത്രത്തിന്റെ പ്രമോഷന്റെ ഭാഗമായി നടത്തിയ അഭിമുഖത്തിലായിരുന്നു പ്രണവ് ഇക്കാര്യം പറഞ്ഞത്. പ്രണവിന്റെ ചിത്രം വൈറലായതിന് പിന്നാലെ ഇത് സ്പെയിനാണെന്ന് ചൂണ്ടിക്കാട്ടി പലരും കമന്റിട്ടു.
ഹൃദയമാണ് പ്രണവ് മോഹന്ലാലിന്റേതായി ഒടുവില് പുറത്തിറങ്ങിയ ചിത്രം. യാത്രയെ ഏറെ ഇഷ്ടപ്പെടുന്ന പ്രണവ് യാത്രകള്ക്കിടയില് കിട്ടുന്ന ഇടവേളകളിലാണ് സിനിമയില് അഭിനയിക്കുന്നത്. അടുത്തിടെയാണ് താരം ഇന്സ്റ്റഗ്രാമില് ആക്ടീവായത്. യാത്രകള്ക്കിടെ പകര്ത്തുന്ന ചിത്രങ്ങള് താരം ആരാധകര്ക്കായി പങ്കുവയ്ക്കാറുണ്ട്.