മെഴ്‌സിഡീസ് ബെന്‍സിന്റെ അത്യാഢംബര എസ്‌യുവി സ്വന്തമാക്കി നടന്‍ സുരാജ് വെഞ്ഞാറമ്മൂട്. മെഴ്‌സിഡീസ് ബെന്‍സിന്റെ ഏറ്റവും വലിയ എസ്‌യുവികളിലൊന്നായ ജിഎല്‍എസ് 400 ഡിയാണ് താരം സ്വന്തമാക്കിയത്.
കൊച്ചിയിലെ മെഴ്‌സിഡീസ് വിതരണക്കാരായ കോസ്റ്റല്‍ സ്റ്റാറില്‍ നിന്നാണ് താരം കാര്‍ സ്വന്തമാക്കിയത്. ഇതിനായി പ്രത്യേക ചടങ്ങ് കോസ്റ്റര്‍ സ്റ്റാര്‍ സംഘടിപ്പിച്ചിരുന്നു. സുരാജിനൊപ്പം കുടുംബവും എത്തിയിരുന്നു.
ബെന്‍സ് നിരയിലെ ഏറ്റവും മികച്ച വാഹനങ്ങളിലൊന്നാണ് ജിഎല്‍എസ്. എസ്. ക്ലാസിന് സമാനമായ എസ്‌യുവിയാണ് ജിഎല്‍എസ്. അത്യാഢംബര സൗകര്യങ്ങളുള്ള ജിഎല്‍എസിന് കരുത്തേകുന്നത് 3 ലിറ്റര്‍ ഡീസല്‍ എന്‍ജിനാണ്. 330 എച്ച് പി കരുത്തും 700 എന്‍എം ടോര്‍ക്കും 9 സ്പീഡ് ഓട്ടമാറ്റിക്ക് ട്രാന്‍സ്മിഷനുമാണ് മറ്റ് പ്രത്യേകതകള്‍. 1.08 കോടി രൂപയാണ് വാഹനത്തിന്റെ എക്‌സ്‌ഷോറൂം വില.
