ചെറിയ വേഷങ്ങളിലൂടെ സിനിമയിലേക്ക് എത്തി സിനിമാപ്രേമികളുടെ പ്രത്യേകിച്ച് യുവത്വത്തിന്റെ ഹരമായി മാറിയ നടനാണ് ടോവിനോ തോമസ്. തല്ലുമാലയാണ് ടോവിനോയുടേതായി അവസാനമായി റിലീസ് ചെയ്ത ചിത്രം. ഈ ചിത്രത്തിലെ മണവാളൻ വസീം എന്ന കഥാപാത്രം ടോവിനോയുടെ കരിയറിലെ തന്നെ വളരെ വ്യത്യസ്തമായ ഒരു കഥാപാത്രമാണ്. കഴിഞ്ഞദിവസം കുടുംബത്തിനൊപ്പമാണ് ഒരു അഭിമുഖത്തിൽ പങ്കെടുക്കാൻ ടൊവിനോ എത്തിയത്. ആ അഭിമുഖത്തിൽ ടോവിനോ പറഞ്ഞ ചില കാര്യങ്ങളാണ് ഇപ്പോൾ സോഷ്യൽ മീഡിയയിൽ വൈറലാകുന്നത്.
ഭാര്യയ്ക്കും മക്കൾക്കും ഒപ്പം ഇരിക്കുന്ന ടോവിനോയോട് മോള് സിനിമ കാണാറുണ്ടോ എന്നായിരുന്നു ചോദ്യം. മോള് സിനിമ കാണാറുണ്ടെന്നും അവൾക്ക് തന്റെ ചില സിനിമകൾ ഇഷ്ടമല്ലെന്നും ടോവിനോ വ്യക്തമാക്കി. തുടർന്ന് ടോവിനോയുടെ മകളായ ഇസയോട്, അപ്പൻ അഭിനയിച്ച ഏതൊക്കെ സിനിമകളാണ് ഇഷ്ടമില്ലാത്തത് എന്നായിരുന്നു അവതാരകയുടെ ചോദ്യം. എടക്കാട് ബറ്റാലിയൻ, മായാനദി, ലൂക്ക എന്നിങ്ങനെ ഒരു നീണ്ട ലിസ്റ്റ് ആണ് മകൾ പറഞ്ഞത്. അപ്പോഴാണ് ലൂക്ക കണ്ടതിനു ശേഷം മകൾക്ക് നടി അഹാനയോട് ഉണ്ടായ ദേഷ്യത്തെക്കുറിച്ച് ടോവിനോ പറഞ്ഞത്. ചിത്രത്തിൽ അഹാനയുടെ കഥാപാത്രമാണ് ടോവിനോയുടെ കഥാപാത്രത്തിന് വിഷം പുരണ്ട പുസ്തകം അയച്ചു കൊടുത്തത്. ഇതാണ് ഇസയ്ക്ക് അഹാനയോട് ദേഷ്യം ഉണ്ടാകാൻ കാരണമായത്. പിന്നീട് താനും ഭാര്യയും ചേർന്ന് മകളെ കാര്യങ്ങൾ പറഞ്ഞു മനസിലാക്കുകയായിരുന്നു എന്ന് ടോവിനോ പറഞ്ഞു. തന്റെ കഥാപാത്രം മരിക്കുന്ന രീതിയിലുള്ള സിനിമകൾ മകൾക്ക് ഇഷ്ടമല്ലെന്നും ടോവിനോ വ്യക്തമാക്കി.
ടോവിനോ തോമസും അഹാന കൃഷ്ണയും പ്രധാനവേഷങ്ങളിൽ എത്തിയ ചിത്രമാണ് ലൂക്ക. 2019ൽ പുറത്തിറങ്ങിയ ചിത്രം അരുൺ ബോസ് ആണ് സംവിധാനം ചെയ്തത്. നിമിഷ് രവി ആയിരുന്നു ചിത്രത്തിന്റെ ഛായാഗ്രഹണം. ലിന്റോ തോമസും പ്രിൻസ് ഹുസൈനും ചേർന്ന് നിർമിച്ച ഈ ചിത്രത്തിന്റെ രചന മൃദുൽ ജോർജ് ആയിരുന്നു. നിഖിൽ വേണു ആയിരുന്നു എഡിറ്റിംഗ്. വളരെ മനോഹരമായ ഗാനങ്ങൾ ആയിരുന്നു ചിത്രത്തിലേത്. സൂരജ് എസ് കുറുപ്പ് ആയിരുന്നു സംഗീതം നൽകിയത്.
പ്രണവ് മോഹൻലാൽ, ധ്യാൻ ശ്രീനിവാസൻ എന്നിവരെ പ്രധാന കഥാപാത്രങ്ങളാക്കി വിനീത് ശ്രീനിവാസൻ സംവിധാനം ചെയ്ത ചിത്രമാണ് വർഷങ്ങൾക്ക് ശേഷം.മികച്ച അഭിപ്രായമാണ്…
സംവിധായകൻ തരുൺ മൂർത്തി ഒരുക്കുന്ന അടുത്ത ചിത്രത്തിൽ നായകരായി എത്തുന്നത് മോഹൻലാലും ശോഭനയും. നടി ശോഭന തന്നെയാണ് തന്റെ സോഷ്യൽ…
ജനപ്രിയ നായകൻ ദിലീപ് നായകനായി എത്തുന്ന പുതിയ ചിത്രം 'പവി കെയർ ടേക്കർ' ട്രയിലർ റിലീസ് ചെയ്തു. ഹാസ്യവും അതിനൊപ്പം…
സൂപ്പർ ഹിറ്റ് ആയിരുന്ന രാമലീല എന്ന ചിത്രത്തിന് ശേഷം ദിലീപിന് ഒപ്പം വീണ്ടും നടി രാധിക ശരത് കുമാർ. വിനീത്…
യുവനടൻമാരായ ധ്യാൻ ശ്രീനിവാസൻ, പ്രണവ് മോഹൻലാൽ, നിവിൻ പോളി എന്നിവരെ നായകരാക്കി വിനീത് ശ്രീനിവാസൻ സംവിധാനം ചെയ്ത ചിത്രമാണ് വർഷങ്ങൾക്ക്…
ജനപ്രിയ നായകൻ ദിലീപ് നായകനായി എത്തുന്ന ഏറ്റവും പുതിയ ചിത്രമാണ്. ചിത്രത്തിലെ 'പിറകിലാരോ വിളിച്ചോ, മധുരനാരകം പൂത്തോ' എന്ന വിഡിയോ…