വന്ദേഭാരത് എക്സ് പ്രസ് കേരളത്തിന്റെ ട്രാക്കിൽ ഓടി തുടങ്ങിയപ്പോൾ സാക്ഷികളാകാനും വികസനത്തിന്റെ പുതിയ അധ്യായത്തിൽ പങ്കാളികളാകാനും നിരവധി പേരാണ് എത്തിയത്. സമൂഹത്തിന്റെ നാനാതുറയിൽ നിന്ന് നിരവധി പേരാണ് വന്ദേഭാരതിന്റെ ആദ്യയാത്രയിൽ പങ്കാളികളാകാൻ എത്തിയത്. രാഷ്ട്രീയക്കാർ, സാമൂഹ്യപ്രവർത്തകർ, ഇൻഫ്ലുവൻസേഴ്സ്, അഭിനേതാക്കൾ, കുട്ടികൾ തുടങ്ങി നിരവധി ആളുകൾ വന്ദേ ഭാരതിന്റെ ആദ്യയാത്രയിൽ പങ്കാളികളായി.
നടൻ വിവേക് ഗോപനും വന്ദേ ഭാരതിന്റെ ആദ്യയാത്രയിൽ ക്ഷണിക്കപ്പെട്ട അതിഥി ആയിരുന്നു. ട്രയിനിൽ കയറിയ ചിത്രങ്ങളും മറ്റും പങ്കുവെച്ച് കൊണ്ട് വിവേക് പങ്കുവെച്ച കുറിപ്പാണ് സോഷ്യൽ മീഡിയയിൽ വൈറലാകുന്നത്.
‘ജീവിതത്തിന്റെ യാത്രയിൽ എന്നും “ഓർമ്മിക്കാൻ ഒരു യാത്ര കൂടി”. വികസനത്തിന്റെ യാത്ര.ഭാരത എഞ്ചിനീയർമാർ നിർമിച്ച MADE IN INDIA ഹൈ സ്പീഡ് ട്രെയിൻ വന്ദേ ഭാരതിന്റെ മലയാളി മണ്ണിലൂടെ ഉള്ള ആദ്യ ഒഫീഷ്യൽ യാത്ര. ഇത് പുതിയ ഭാരതം. വികസനത്തെ ആരും എതിർക്കുന്നില്ല, അത് പക്ഷേ സാധാരണക്കാരുടെ നെഞ്ചിലൂടെ മഞ്ഞകുറ്റികൾ അടിച്ചു കൊണ്ട് ആവരുത്. VANDE BHARATHAM’ – എന്നാണ് വിവേക് ഗോപൻ കുറിച്ചത്.