സിനിമയിലേക്കുള്ള നടി അഹാനയുടെ വരവ് നെപ്പോട്ടിസത്തിന്റെ ഭാഗമാണെന്ന് വിമർശനം ഉയർന്നിരുന്നു. അച്ഛൻ കൃഷ്ണകുമാറിന്റെ പാത പിന്തുടർന്നാണ് അഹാന സിനിമയിലേക്ക് എത്തിയത്. കരിയറിൽ വളരെ കുറച്ച് സിനിമകളിൽ മാത്രമേ അഹാന അഭിനയിച്ചിട്ടുള്ളൂ. എന്നാൽ, അഹാന സിനിമയിലേക്ക് എത്തിയത് നെപ്പോട്ടിസത്തിന്റെ ഭാഗമാണെന്ന് ചില വിമർശനങ്ങൾ ഉയർന്നിരുന്നു. ഇത്തരം വിമർശനങ്ങളോട് പ്രതികരിക്കുകയാണ് അഹാന ഇപ്പോൾ.
‘ഞാൻ സ്റ്റീവ് ലോപ്പസ്’ എന്ന ചിത്രത്തിലൂടെ അഭിനയരംഗത്തേക്ക് എത്തിയ അഹാന തന്റെ പുതിയ വെബ് സീരീസിന്റെ ഭാഗമായി ഏഷ്യാനെറ്റ് ന്യൂസിന് നൽകിയ അഭിമുഖത്തിലാണ് അഹാന ഇത്തരത്തിലുള്ള വിമർശനങ്ങളോട് പ്രതികരിച്ചത്. താൻ സ്റ്റീവ് ലോപ്പസ് എന്ന ചിത്രത്തിലേക്ക് എവിടെ നിന്നല്ലാതെ എത്തിയതാണെന്ന് അഹാന പറയുന്നു. രാജീവ് രവി തന്റെ അച്ഛന്റെ സുഹൃത്തോ ആരുമല്ലെന്നും അവർ അല്ലാതെ തന്നെ തേടിവരികയായിരുന്നെന്നും എന്നാണ് അഹാന പറഞ്ഞത്. രാജീവ് രവി ഗീതു മോഹൻദാസിന്റെ ഭർത്താവ് ആണ് എന്നതിനപ്പുറം മറ്റൊന്നും തനിക്ക് അറിയില്ലായിരുന്നെന്നും അഹാന കൃഷ്ണ പറഞ്ഞു.
അദ്ദേഹം തന്റെ അച്ഛന്റെ കൂട്ടുകാരനോ അച്ഛൻ പോയി ചോദിക്കുകയോ അങ്ങനെ ഒന്നും ഉണ്ടായിട്ടില്ലെന്നും ആ സിനിമയിലേക്ക് തന്നെ വിളിച്ചത് എങ്ങനെയാണെന്ന് തനിക്ക് അറിയില്ലെന്നും അഹാന പറഞ്ഞു. വലിയ റോൾ ഒന്നുമല്ലാത്തതിനാൽ തിരുവനന്തപുരത്ത് തന്നെയുള്ള താരങ്ങളുടെ മക്കളെ തേടി വന്നതാകും എന്നാണ് താൻ കരുതുന്നത്. വീടിന്റെ തൊട്ടപ്പുറത്ത് ആയിരുന്നു ഷൂട്ടെന്നും ഷൂട്ടിന് പോയിക്കൊണ്ടിരുന്നത് രാവിലെ സ്കൂളിൽ പോകുന്ന പോലെയായിരുന്നെന്നും അഹാന പറഞ്ഞു. രാജീവ് രവി സാർ വീട്ടിൽ വന്നത് വിശ്വസിക്കാൻ പോലും പറ്റുന്നില്ലെന്നും അന്ന് എല്ലാവരും നിർബന്ധിച്ചാണ് ആദ്യസിനിമ സംഭവിച്ചതെന്നും അഹാന പറഞ്ഞു. അവർ തന്റെ കുടുംബസുഹൃത്തുക്കൾ അല്ലെന്നും അത്രയും പവർ ഉണ്ടായിരുന്നെങ്കിൽ ഈ എട്ടു വർഷത്തിനുള്ളിൽ താൻ എത്ര പടം ചെയ്തേനെയെന്നും അഹാന ചോദിച്ചു. തനിക്ക് ഒരു അവാർഡ് പോലും കിട്ടിയിട്ടില്ലെന്നും അഹാന പറഞ്ഞു. സ്റ്റീവ് ലോപ്പസിന് ശേഷമാണ് തനിക്ക് അഭിനയത്തോട് താൽപര്യം തോന്നി തുടങ്ങിയതെന്നും അഹാന പറഞ്ഞു.
