മമ്മൂട്ടിയെ നായകനാക്കി ബി ഉണ്ണിക്കൃഷ്ണൻ സംവിധാനം ചെയ്യുന്ന ചിത്രത്തിൽ ഐശ്വര്യ ലക്ഷ്മി ജോയിൻ ചെയ്തു. ആർ ഡി ഇല്യൂമിനേഷൻസിന്റെ ബാനറിൽ നിർമിക്കുന്ന ഈ ത്രില്ലർ ചിത്രത്തിന്റെ തിരക്കഥ ഒരുക്കുന്നത് ഉദയ് കൃഷ്ണയാണ്. പ്രശസ്ത തെന്നിന്ത്യൻ താരം വിനയ് റായ് ആണ് ഈ ചിത്രത്തിൽ വില്ലനായി എത്തുന്നത്. വിനയ് റായിയുടെ ആദ്യമലയാളചിത്രം കൂടിയാണ് ഇത്.
ഐശ്വര്യ ലക്ഷ്മിയെ കൂടാതെ സ്നേഹ, അമല പോൾ എന്നിവരും സിനിമയിൽ നായികമാരായി എത്തുന്നുണ്ട്. ഷൈൻ ടോം ചാക്കോ, ദിലീഷ് പോത്തൻ, സിദ്ദീഖ്, ജിനു എബ്രഹാം തുടങ്ങി നിരവധി താരങ്ങളും ഈ ചിത്രത്തിൽ അഭിനയിക്കുന്നുണ്ട്. ചിത്രത്തിൽ മുപ്പത്തിയഞ്ചോളം പുതുമുഖങ്ങളും അഭിനയിക്കുന്നുണ്ട്.
അതേസമയം, സിനിമയ്ക്ക് ഇതുവരെയും പേരിട്ടിട്ടില്ല. ചിത്രത്തിൽ ഒരു പൊലീസ് ഓഫീസറുടെ വേഷത്തിലാണ് മമ്മൂട്ടി എത്തുന്നത്. ചിത്രത്തിന്റെ പ്രധാന ലൊക്കേഷൻ എറണാകുളം, വണ്ടിപ്പെരിയാർ എന്നിവിടങ്ങളാണ്. ചിത്രത്തിന്റെ ഛായാഗ്രഹണം ഫൈസ് സിദ്ദിഖ് ആണ്. സംഗീതം – ജസ്റ്റിൻ വർഗീസ്, എഡിറ്റിംഗ് – മനോജ്, കലാ സംവിധാനം – ഷാജി നടുവിൽ, വസ്ത്രാലങ്കാരം – പ്രവീൺ വർമ്മ, ചമയം – ജിതേഷ് പൊയ്യ, പ്രൊഡക്ഷൻ കൺട്രോളർ – അരോമ മോഹൻ, പി ആർ ഒ – പി ശിവപ്രസാദ് & നിയാസ് നൗഷാദ്, മാർക്കറ്റിംങ് – ഒബ്സ്ക്യൂറ എന്റർടൈൻമെന്റ്, സ്റ്റിൽസ് – നവീൻ മുരളി.
