സംവിധായകൻ ലാൽ ജോസ് ഒരുക്കിയ ഡയമണ്ട് നെക്ലേസ് എന്ന സിനിമയിൽ ഫഹദ് ഫാസിലിന്റെ നായികയായി അഭിനയലോകത്തേക്ക് എത്തിയ നടിയാണ് അനുശ്രീ. റിയാലിറ്റി ഷോയിൽ കൂടി കിട്ടിയ അവസരം മുതലാക്കിയാണ് താരം സിനിമയിലേക്ക് എത്തിയത്. ആദ്യസിനിമയിൽ തന്നെ പ്രേക്ഷകരെ അമ്പരപ്പിച്ച താരം പിന്നീട് നിരവധി സിനിമകളിൽ ശ്രദ്ധേയമായ വേഷങ്ങൾ ചെയ്തു. കഴിഞ്ഞ പത്തു വർഷത്തോളമായി മലയാളസിനിമയുടെ ഭാഗമാണ് അനുശ്രീ.
വിഷ്ണു ഉണ്ണിക്കൃഷ്ണൻ നായകനായി എത്തുന്ന കള്ളനും ഭഗവതിയും ആണ് അനുശ്രീയുടെ പുതിയ ചിത്രം. ചിത്രത്തിന്റെ പ്രമോഷനുമായി ബന്ധപ്പെട്ട് എത്തിയപ്പോൾ അനുശ്രീ പറഞ്ഞ ഒരു കാര്യമാണ് ഇപ്പോൾ സോഷ്യൽ മീഡിയയിൽ വൈറലായിരിക്കുന്നത്. ജീവിതത്തിലെ ഏറ്റവും മോശമായ ഒരു അവസ്ഥയിൽ കൂടി താൻ കടന്നു പോയതിനെക്കുറിച്ച് പറയുകയാണ് അനുശ്രീ. ബിറ്റ്മീഡിയ എന്ന ഇൻസ്റ്റഗ്രാം പേജിലാണ് അനുശ്രീ ഇക്കാര്യത്തെക്കുറിച്ച് പറഞ്ഞത് പ്രചരിക്കുന്നത്. തന്റെ ജീവിത്തിലുണ്ടായ ഒരു മോശം അവസ്ഥയെക്കുറിച്ച് ഇത് ആദ്യമായാണ് അനുശ്രീ ഒരു മാധ്യമത്തിന് മുന്നിൽ കരഞ്ഞുകൊണ്ട് വെളിപ്പെടുത്തുന്നത്.
ഒരു ദിവസം പെട്ടെന്ന് കൈയിൽ ബാലൻസ് ഇല്ലാത്തതു പോലെ തോന്നി. ആശുപത്രിയിൽ കൊണ്ടുപോയി എക്സ്റേ ഉൾപ്പെടെ പലവിധ പരിശോധനകൾ നടത്തിയെങ്കിലും ആദ്യം കണ്ടുപിടിക്കാൻ സാധിച്ചില്ല. പിന്നെ പരിശോധിച്ചപ്പോൾ ഒരു എല്ല് വളർന്നു വരുന്നതുപോലെ തോന്നി. അതിൽ നെർവൊക്കെ കയറി ചുറ്റി കംപ്രസ്ഡായി കുറച്ച് മോശമായ അവസ്ഥയിലായിരുന്നെന്നും അനുശ്രീ പറയുന്നു. പൾസ് കൈയ്യിൽ കിട്ടുന്നില്ലെന്നൊരു സിറ്റുവേഷൻ വരെ വന്നു. പെട്ടന്ന് തന്നെ സർജറി ഫിക്സ് ചെയ്തു. സർജറി കഴിഞ്ഞ് എട്ട്, ഒമ്പത് മാസത്തോളം കൈ പാരലൈസ്ഡ് ആയിരുന്നെന്നും ഇനി സിനിമയൊന്നും ചെയ്യാൻ പറ്റില്ലെന്ന് തോന്നിയെന്നും ഒമ്പത് മാസത്തോളം ഒരു റൂമിനകത്ത് തന്നെയായിരുന്നെന്നുമാണ് അനുശ്രീ പറഞ്ഞത്. വീഡിയോ വൈറലായതോടെ നിരവധി പേരാണ് ആശ്വാസ വാക്കുകളുമായി എത്തിയിരിക്കുന്നത്. ട്വൽത്ത് മാനാണ് ഏറ്റവും അവസാനം റിലീസ് ചെയ്ത അനുശ്രീയുടെ സിനിമ.
