ബാലതാരമായെത്തി പ്രേക്ഷകരുടെ മനസ് കീഴടക്കിയ താരമാണ് എസ്തർ അനിൽ. മോഹൻലാൽ നായകനായ ജീത്തു ജോസഫ് ചിത്രമായ ‘ദൃശ്യം’, ‘ദൃശ്യം 2’ ചിത്രങ്ങളിലൂടെ നിരവധി ആരാധകരെ വിസ്മയിപ്പിച്ച എസ്തർ പ്രേക്ഷകരുടെ ഇഷ്ടതാരമാണ്. സോഷ്യൽ മീഡിയയിലും താരം സജീവമാണ്. തന്റെ ഫോട്ടോഷൂട്ട് ചിത്രങ്ങളും ഫോട്ടോഷൂട്ടിന്റെ വീഡിയോയും എസ്തർ സോഷ്യൽ മീഡിയയിൽ പങ്കുവെയ്ക്കാറുണ്ട്. ഈ അടുത്ത് സോഷ്യൽ മീഡിയയിൽ എസ്തർ നിറഞ്ഞ ചിരിയുമായി പങ്കുവെച്ച ചിത്രങ്ങൾ വൈറലായിരിക്കുകയാണ്. പല്ലു കാണിച്ച് വളരെ മനോഹരമായ പുഞ്ചിരിയുമായാണ് ചിത്രങ്ങൾ. ‘നല്ല ചിരി’, ‘ക്യൂട്ട്’, ‘മനോഹരം’ എന്നിങ്ങനെ പോകുന്നു ചിത്രത്തിന് ലഭിച്ച കമന്റുകൾ.
മലയാളത്തിൽ മാത്രമല്ല തെലുങ്ക് ഉൾപ്പെടെ വിവിധ ഭാഷകളിലായി ഇതിനകം 30ലധികം ചിത്രങ്ങളിൽ എസ്തർ അഭിനയിച്ചു കഴിഞ്ഞു. ഒരു നാൾ വരും, കോക്ടെയിൽ, വയലിൻ, ഡോക്ടർ ലൗ, മല്ലു സിംഗ്, ഓഗസ്റ്റ് ക്ലബ് തുടങ്ങിയ സിനിമകളിൽ എസ്തർ അഭിനയിച്ചിട്ടുണ്ട്. ഗ്ലാമറസ് വേഷങ്ങളിലുള്ള എസ്തറിന്റെ ഫോട്ടോഷൂട്ട് ചിത്രങ്ങൾ സോഷ്യൽ മീഡിയയിൽ വൈറലായിരുന്നു.
നല്ലവൻ എന്ന ചിത്രത്തിൽ ബാലതാരമായി അഭിനയ രംഗത്തേക്ക് കടന്നുവന്നതാണ് എസ്തർ അനിൽ. നിരവധി സിനിമകളിൽ വേഷമിട്ടെങ്കിലും ജീത്തു ജോസഫ് സംവിധാനം ചെയ്‌ത ദൃശ്യത്തിലെ കഥാപാത്രമാണ് എസ്‌തറിന് ബ്രേക്ക് നൽകിയത്. ചിത്രത്തിൽ മോഹൻലാലിന്റെ മകളായാണ് എസ്തർ എത്തിയത്. ദൃശ്യം തമിഴിലേക്കും തെലുങ്കിലേക്കും റീമേക്ക് ചെയ്തപ്പോഴും ആ കഥാപാത്രം എസ്തറിന്റെ കൈയിൽ ഭദ്രമായിരുന്നു. ബാലതാരത്തിൽ നിന്ന് നായിക ആകാനുള്ള തയ്യാറെടുപ്പിലാണ് എസ്തറിപ്പോൾ.
View this post on Instagram
