കൂട്ടുകാരുമൊത്ത് നാട് കണ്ട് നടക്കുകയാണ് മലയാളികളുടെ പ്രിയപ്പെട്ട താരമായ എസ്തർ അനിൽ. ഹിമാലയൻ മലനിരകളിൽ നിന്നുള്ള ചിത്രങ്ങൾ താരം സോഷ്യൽ മീഡിയയിൽ പങ്കുവെച്ചു. പാരാഗ്ലൈഡിംഗ് നടത്തുന്നതിന്റെ വീഡിയോയും മഞ്ഞുമലകളെ കണ്ടതിന്റെ ചിത്രങ്ങളുമെല്ലാം എസ്തർ അനിൽ സോഷ്യൽ മീഡിയയിൽ പങ്കുവെച്ചു. എസ്തർ പങ്കുവെച്ച ഫോട്ടോകളും വീഡിയോകളും ആരാധകരും ഏറ്റെടുത്തു. ‘മലകൾ’ എന്നു പറഞ്ഞാണ് എസ്തർ അനിൽ വീഡിയോ പങ്കുവെച്ചത്.
ബാലതാരമായെത്തി പ്രേക്ഷകരുടെ മനസ് കീഴടക്കിയ താരമാണ് എസ്തർ. മോഹൻലാൽ നായകനായ ജീത്തു ജോസഫ് സംവിധാനം ചെയ്ത ‘ദൃശ്യം’, ‘ദൃശ്യം 2’ ചിത്രങ്ങളിലൂടെ നിരവധി ആരാധകരെ വിസ്മയിപ്പിച്ച എസ്തർ പ്രേക്ഷകരുടെ ഇഷ്ടതാരമാണ്. സോഷ്യൽ മീഡിയയിലും താരം സജീവമാണ്. തന്റെ ഫോട്ടോഷൂട്ട് ചിത്രങ്ങളും ഫോട്ടോഷൂട്ടിന്റെ വീഡിയോയും എസ്തർ സോഷ്യൽ മീഡിയയിൽ പങ്കുവെയ്ക്കാറുണ്ട്.
മലയാളത്തിൽ മാത്രമല്ല തെലുങ്ക് ഉൾപ്പെടെ വിവിധ ഭാഷകളിലായി ഇതിനകം 30ലധികം ചിത്രങ്ങളിൽ എസ്തർ അഭിനയിച്ചു കഴിഞ്ഞു. ഒരു നാൾ വരും, കോക്ടെയിൽ, വയലിൻ, ഡോക്ടർ ലൗ, മല്ലു സിംഗ്, ഓഗസ്റ്റ് ക്ലബ് തുടങ്ങിയ സിനിമകളിൽ എസ്തർ അഭിനയിച്ചിട്ടുണ്ട്. നല്ലവൻ എന്ന ചിത്രത്തിൽ ബാലതാരമായി അഭിനയ രംഗത്തേക്ക് കടന്നുവന്നതാണ് എസ്തർ അനിൽ. നിരവധി സിനിമകളിൽ വേഷമിട്ടെങ്കിലും ജീത്തു ജോസഫ് സംവിധാനം ചെയ്ത ദൃശ്യത്തിലെ കഥാപാത്രമാണ് എസ്‌തറിന് ബ്രേക്ക് നൽകിയത്.
View this post on Instagram
