ആദ്യസിനിമയിലൂടെ തന്നെ മലയാളികളുടെ പ്രിയതാരമായി മാറിയ നടിയാണ് ഹണി റോസ്. മലയാളത്തിൽ മാത്രമല്ല തെലുങ്കിലും താരം തന്റെ സാന്നിധ്യം അറിയിച്ചു കഴിഞ്ഞു. നന്ദമൂരി ബാലകൃഷ്ണ എന്ന ബാലയ്യ നായകനായി എത്തിയ വീരസിംഹ റെഡ്ഡി എന്ന ചിത്രത്തിൽ ഒരു പ്രധാനവേഷത്തിൽ ഹണി റോസും എത്തിയിരുന്നു. ചിത്രം മികച്ച അഭിപ്രായമായിരുന്നു സ്വന്തമാക്കിയത്.
ഇതിനിടയിൽ ഹണി റോസിന്റെ പുതിയ ചിത്രങ്ങൾ സോഷ്യൽ മീഡിയയിൽ വൈറലായിരിക്കുകയാണ്. മഞ്ഞസാരിയിലാണ് താരം പ്രത്യക്ഷപ്പെട്ടിരിക്കുന്നത്. സ്ലീവ് ലെസ് ബ്ലൗസിൽ, മഞ്ഞസാരിയിൽ ഒരു വെൺകൽ ശിൽപം പോലെ സുന്ദരിയാണ് താരം. ആരാധകർ ഇതിനകം തന്നെ തങ്ങളുടെ പ്രിയപ്പെട്ട താരത്തിന്റെ ചിത്രങ്ങൾ ഏറ്റെടുത്തു കഴിഞ്ഞു.
അതേസമയം, ഹണി റോസും ബാലയ്യയും വീണ്ടും ഒരു സിനിമയിൽ ഒരുമിക്കുന്നുവെന്നാണ് റിപ്പോർട്ട്. അനില്‍ രവിപുടി സംവിധാനം ചെയ്യുന്ന ചിത്രത്തില്‍ ഹണി റോസ് ആയിരിക്കും നായിക കഥാപാത്രത്തെ അവതരിപ്പിക്കുന്നത് എന്നാണ് സൂചനകൾ. വീരസിംഹ റെഡ്ഡിയുടെ ഓഡിയോ ലോഞ്ചിലും വിജയാഘോഷത്തിലും മറ്റും ഹണി റോസായിരുന്നു മുഖ്യാകര്‍ഷണം. വിജയാഘോഷ വേളയില്‍ ഇരുവരും ഷാംപെയ്ന്‍ കുടിക്കുന്ന ചിത്രവും ആരാധകര്‍ക്കിടയില്‍ വൈറലായിരുന്നു. ഗോപിചന്ദ് മലിനേനിയാണ് വീരസിംഹ റെഡ്ഡിയുടെ രചനയും സംവിധാനവും നിര്‍വഹിച്ചിരിക്കുന്നത്.
