മമ്മൂട്ടി ചിത്രത്തില്‍ നായികയാകാന്‍ തമിഴ് സൂപ്പര്‍ താരം ജ്യോതികയെത്തി. കാതലിന്റെ ലൊക്കേഷനില്‍ എത്തിയ താരത്തിന്റെ ചിത്രങ്ങള്‍ വൈറലായി. ഇരുവരും ഒന്നിക്കുന്ന ആദ്യ ചിത്രമാണ് കാതല്‍. ജിയോ ബേബിയാണ് ചിത്രം സംവിധാനം ചെയ്യുന്നത്. ചിത്രം നിര്‍മിക്കുന്നത് മമ്മൂട്ടി കമ്പനിയാണ്. ദുല്‍ഖര്‍ സല്‍മാന്റെ വേഫേറെര്‍ ഫിലിംസ് ആണ് തിയേറ്ററുകളില്‍ എത്തിക്കുന്നത്.
പന്ത്രണ്ടു വര്‍ഷങ്ങള്‍ക്ക് ശേഷം ജ്യോതിക മലയാളത്തിലേക്ക് തിരിച്ചെത്തുന്നെന്ന പ്രത്യേകതയും കാതലിനുണ്ട്. മമ്മൂട്ടിക്കും ജ്യോതികയ്ക്കും പുറമേ ലാലു അലക്‌സ്, മുത്തുമണി, ചിന്നു ചാന്ദിനി, സുധി കോഴിക്കോട്, അനഘ അക്കു, ജോസി സിജോ, ആദര്‍ശ് സുകുമാരന്‍ തുടങ്ങിയവരാണ് ചിത്രത്തിലെ മറ്റ് കഥാപാത്രങ്ങളെ അവതരിപ്പിക്കുന്നത്.
തിരക്കഥ- ആദര്‍ഷ് സുകുമാരന്‍, പോള്‍സണ്‍ സ്‌കറിയ, എക്‌സിക്യൂട്ടിവ് പ്രൊഡ്യൂസര്‍- ജോര്‍ജ് സെബാസ്റ്റ്യന്‍, ഡിഒപി-സാലു കെ തോമസ്, എഡിറ്റിങ്- ഫ്രാന്‍സിസ് ലൂയിസ്, സംഗീതം- മാത്യൂസ് പുളിക്കന്‍, ആര്‍ട്ട്- ഷാജി നടുവില്‍, ലൈന്‍ പ്രൊഡ്യൂസര്‍- സുനില്‍ സിംഗ്, പ്രൊഡക്ഷന്‍ കണ്‍ട്രോളര്‍- ഡിക്‌സണ്‍ പൊടുത്താസ്സ്, സൗണ്ട് ഡിസൈന്‍- ടോണി ബാബു, ഗാനരചന- അലീന, വസ്ത്രലങ്കാരം- സമീറാ സനീഷ്, മേക്കപ്പ്- അമല്‍ ചന്ദ്രന്‍, കോ ഡയറക്ടര്‍- അഖില്‍ ആനന്ദന്‍, ചീഫ് അസ്സോസിയേറ്റ് ഡയറക്ടര്‍- മാര്‍ട്ടിന്‍ എന്‍ ജോസഫ്, കുഞ്ഞില മാസിലാമണി, സ്റ്റില്‍സ്- ലെബിസണ്‍ ഗോപി, ഡിസൈന്‍- ആന്റണി സ്റ്റീഫന്‍, പിആര്‍ഒ- പ്രതീഷ് ശേഖര്‍ എന്നിവരാണ് മറ്റ് അണിയറപ്രവര്‍ത്തകര്‍.
