മുഴുവൻ ആർ എസ് എസുകാരും കൊല്ലാൻ നടക്കുന്നവരാണെന്ന് കേരളത്തിൽ ഉള്ളവരോട് ആരാണ് പറഞ്ഞതെന്ന് നടി മല്ലിക സുകുമാരൻ. മറുനാടൻ മലയാളിയോട് സംസാരിക്കുമ്പോൾ ആണ് മല്ലിക സുകുമാരൻ ഇങ്ങനെ ചോദിച്ചത്. ആർ എസ് എസുകാർ എന്ന് പറഞ്ഞാൽ കൊല്ലാൻ നടക്കുന്നവരാണെന്ന് ആരാണ് പറഞ്ഞത്. രാഷ്ട്രീയ കൊലപാതകങ്ങൾ നടത്തുന്നവർ എല്ലാ പാർട്ടിയിലും ഇല്ലേയെന്നും ഇക്കാര്യത്തിൽ ഒരു പാർട്ടിയെ മാത്രം പറയുന്നത് ശരിയല്ലല്ലോ എന്നും താരം ചോദിക്കുന്നു.
കേരളത്തിൽ ഉള്ളവരോട് ആരാണ് ആർ എസ് എസുകാർ മുഴുവൻ കൊല്ലാൻ നടക്കുന്നവരാണെന്ന് പറഞ്ഞത് എന്ന് അവർ ചോദിച്ചു. അത്തരക്കാർ എല്ലാ പാർട്ടിയിലും ഇല്ലേ? പല പാർട്ടിയിലായി എത്ര ആൾക്കാരാണ് കൊല്ലപ്പെടുന്നതെന്നും മല്ലിക ചോദിച്ചു. അവർ ചെയ്യുന്നതെല്ലാം ശരിയാണെന്നല്ല താൻ പറഞ്ഞതെന്നും മല്ലിക വ്യക്തമാക്കി. അന്ന് ഹിന്ദു മുന്നണി ഉണ്ടായിരുന്നു. അന്നത്തെ കാലത്ത് രാഷ്ട്രീയമായി ആക്രമണമൊന്നും ഇല്ലായിരുന്നു. ഇന്ന് കാവികളര്‍ സാരി ഉടുത്താല്‍, അമ്പലത്തില്‍ പോയി കുറി തൊട്ടാല്‍ ഒക്കെ സംഘിയാക്കുന്നു. ഇതൊക്കെ എന്താണെന്നും മല്ലിക സുകുമാരന്‍ ചോദിച്ചു.
പൃഥ്വിരാജ് യുക്തിവാദിയാണെന്നത് എല്ലാവരും തെറ്റിദ്ധരിക്കുന്നതാണെന്നും മല്ലിക വ്യക്തമാക്കി. പൃഥ്വിരാജിനൊപ്പം ഭാര്യയും മകളും ഒരുപോലെ ദൈവവിശ്വാസികളാണെന്നും മല്ലിക പറഞ്ഞു. പൃഥ്വിരാജ് ഹിന്ദുവിരുദ്ധനാണെന്ന പ്രചാരണവും മല്ലിക തള്ളിക്കളഞ്ഞു. പൃഥ്വി ഹിന്ദു വിരുദ്ധനാണെങ്കിൽ 24 മണിക്കൂറും അമ്പലവും പൂജയുമായി നടക്കുന്ന തന്നെയല്ലേ ആദ്യം വെറുക്കേണ്ടതെന്നും മല്ലിക ചിരിയോടെ ചോദിച്ചു. നമ്മുടെ നാട്ടില്‍ മാത്രമെന്താ മതത്തെ ബന്ധപ്പെടുത്തിയുള്ള വഴക്കുകളും ചര്‍ച്ചകളും ഒക്കെ എന്ന് അവന്‍ തന്നോട് ചോദിക്കുമെന്നും മല്ലിക പറഞ്ഞു.
