പുതിയ വണ്ടി സ്വന്തമാക്കി നടി മല്ലിക സുകുമാരന്‍. എംജി ഹെക്ടറാണ് താരം സ്വന്തമാക്കിയത്. ചൈനീസ് നിര്‍മ്മാതാക്കളായ ടഅകഇന്റെ ഉടമസ്ഥതയിലുള്ള ബ്രിട്ടീഷ് കാര്‍ കമ്പനിയായ എംജിയുടെ ഇന്ത്യന്‍ വിപണിയിലെ ആദ്യ വാഹനമാണ് ഹെക്ടര്‍. കൊച്ചിന്‍ ഷോറൂമില്‍ നിന്നാണ് മല്ലിക ഹെക്ടര്‍ സ്വന്തമാക്കിയത്.
കൊച്ചിയില്‍ നിന്ന് നേരെ തിരുവനന്തപുരത്തേക്കാണ് താന്‍ ആദ്യം വാഹനവുമായി പോകുകയെന്ന് മല്ലിക പറഞ്ഞു. കാപ്പാ സിനിമയുടെ ഷൂട്ടിംഗ് ലൊക്കേഷനിലുള്ള പൃഥ്വിരാജിനെ പോയി കാണണം. ഓണത്തിനെല്ലാവരും ഇത്തവണ തിരുവനന്തപുരത്തുണ്ടാകുമെന്നും പ്രാര്‍ത്ഥന, നക്ഷത്ര, അലംകൃത ഇവരെ മൂന്നുപേരെയുംവച്ച് അമ്മൂമ്മ ഒന്ന് കറങ്ങുമെന്നും മല്ലിക സുകുമാരന്‍ പറഞ്ഞു.
അത്യാധുനിക കണക്റ്റിവിറ്റി സൗകര്യങ്ങളുള്ള ഇന്ത്യയിലെ ആദ്യ ഇന്റര്‍നെറ്റ് അധിഷ്ഠിത കാറാണ് ഹെക്ടര്‍. മൈക്രോസോഫ്റ്റ്, അഡോബി, സാപ്, സിസ്‌കോ തുടങ്ങിയ ആഗോള ടെക്‌നോളജി കമ്പനികളുടെ പിന്തുണയോടെ ‘ഐ-സ്മാര്‍ട്’ സാങ്കേതിക വിദ്യയോടെയാണ് ഇന്റര്‍നെറ്റ് കാര്‍ അവതരിപ്പിക്കുന്നത്. വലിയ പനോരമിക് സണ്‍റൂഫ്, ആന്റി ഗ്ലെയര്‍ ഇന്റീരിയര്‍, ഫുള്‍ ഡിജിറ്റല്‍ ഇന്‍സ്ട്രുമെന്റ് ക്ലെസ്റ്റര്‍, ക്രോമിയം സ്റ്റഡുകള്‍ നല്‍കിയ ഹണി കോംമ്പ് ഗ്രില്‍, വീതി കുറഞ്ഞ എല്‍ഇഡി ഹെഡ്‌ലാമ്പ് ഉള്‍പ്പെടെ നിറയെ സജ്ജീകരണങ്ങള്‍ ഹെക്ടറിലുണ്ട്.
