നീണ്ട രണ്ടു വർഷത്തെ ഇടവേളയ്ക്ക് ശേഷം വീണ്ടും സ്കൂൾ തുറന്നിരിക്കുകയാണ്. കഴിഞ്ഞ രണ്ടു വർഷങ്ങളിലും കൊറോണ കാരണം സ്കൂൾ തുറക്കൽ ചടങ്ങുകൾ ഓൺലൈനായി മാത്രമാണ് നടന്നത്. ഇത്തവണ സ്കൂളുകൾ പഴയതു പോലെ സജീവമാകുകയും കുട്ടികൾ സ്കുളിലേക്ക് എത്തുകയും പ്രവേശനോത്സവം സ്കൂളുകളിൽ ഗംഭീരമായി ആഘോഷിക്കുകയും ചെയ്തു. കുട്ടികളുടെ ഒപ്പം മാതാപിതാക്കളും സ്കൂളിലേക്ക് എത്തി.
നടി നവ്യ നായർ തന്റെ മകൻ സായി കൃഷ്ണയുടെ ഒപ്പം സ്കൂൾ തുറന്ന ദിവസം സ്കൂളിലേക്ക് എത്തി. കലൂർ ഗ്രീറ്റ്സ് പബ്ലിക് സ്കൂളിലെ വിദ്യാർത്ഥിയാണ് സായി. മകനൊപ്പം സ്കൂളിൽ എത്തിയ നവ്യ നായർ മകനൊപ്പവും സ്കൂളിലെ അധ്യാപികയ്ക്കൊപ്പവുമുള്ള ചിത്രങ്ങളും സോഷ്യൽ മീഡിയയിൽ പങ്കുവെച്ചു. സായിയുടെ പ്രിയ അധ്യാപികയായ ബെലിന്ദയ്ക്കൊപ്പമുള്ള ചിത്രമാണ് പങ്കുവെച്ചത്.
ഒരു ചെറിയ കുറിപ്പോടു കൂടിയാണ് നവ്യ നായർ ചിത്രങ്ങൾ പങ്കുവെച്ചത്. ‘ദീർഘമായ രണ്ടു വർഷത്തിനു ശേഷം സ്കൂൾ വീണ്ടും തുറന്നിരിക്കുകയാണ്, എല്ലാ കുട്ടികളെയും ദൈവം അനുഗ്രഹിക്കട്ടെ.’ – സായിയുടെ അധ്യാപികയെയും പരിചയപ്പെടുത്താൻ നവ്യ മറന്നില്ല. പൊതുവിദ്യാഭ്യാസ മേഖലയിലെ പതിമൂവായിരത്തിലേറെ സ്കൂളുകളിലായി 42.9 ലക്ഷം വിദ്യാർത്ഥികളാണ് ഇന്ന് സ്കൂളിലേക്ക് എത്തിയത്.
View this post on Instagram
