ബ്ലെസി സംവിധാനം ചെയ്ത കാഴ്ച എന്ന ചിത്രത്തിലൂടെ മലയാളത്തില്‍ അരങ്ങേറ്റം കുറിച്ച നടിയാണ് പത്മപ്രിയ. തുടര്‍ന്ന് നിരവധി ചിത്രങ്ങളില്‍ പത്മപ്രിയ വേഷമിട്ടു. തുടര്‍ന്ന് സിനിമയില്‍ നിന്ന് നീണ്ട ബ്രേക്ക് എടുത്ത താരം വീണ്ടും സിനിമയില്‍ സജീവമാകുകയാണ്. ഒരു തെക്കന്‍ തല്ലുകേസ് എന്ന ചിത്രത്തില്‍ പത്മപ്രിയ അവതരിപ്പിച്ച കഥാപാത്രം ഏറെ ശ്രദ്ധിക്കപ്പെട്ടിരുന്നു. അഞ്ജലി മേനോന്‍ സംവിധാനം ചെയ്ത വണ്ടര്‍ വിമണ്‍ എന്ന ചിത്രത്തിലും പത്മപ്രിയ വേഷമിട്ടു.
View this post on Instagram
ഇപ്പോഴിതാ ഷൂട്ടിംഗിന് അവധി നല്‍കി കൃഷി ചെയ്യാനിറങ്ങിയിരിക്കുകയാണ് പത്മപ്രിയ. നേരത്തേ കൃഷി ചെയ്യുന്ന വിഡിയോ പത്മപ്രിയ സോഷ്യല്‍ മീഡിയയില്‍ പങ്കുവച്ചിട്ടുണ്ട്. ഇത്തരത്തില്‍ താരം പങ്കുവച്ച ഒരു വിഡിയോയാണ് വൈറലാകുന്നത്. ചെടികള്‍ പരിപാലിക്കുന്നതിനൊപ്പം തോട്ടത്തില്‍ നിന്ന് ചുവടുവയ്ക്കുന്ന താരത്തിന്റെ വിഡിയോയാണ് വൈറലാകുന്നത്. വീടിന്റെ പിന്‍വശമാണ് താരത്തിന്റെ കൃഷിയിടം. സ്രിന്ദ, ദിവ്യപ്രഭ, അമൃത സുരേഷ് തുടങ്ങിയവര്‍ ചിത്രത്തിന് ലൈക്കും കമന്റുമായി എത്തി.
തെലുങ്ക് ചിത്രം സീനു വാസന്തി ലക്ഷ്മി എന്ന ചിത്രത്തിലൂടെയാണ് പത്മപ്രിയ സിനിമാ ലോകത്തേക്ക് എത്തുന്നത്. അതിന് ശേഷമാണ് മമ്മൂട്ടിയുടെ നായികയായി കാഴ്ചയിലെത്തുന്നത്. തുടര്‍ന്ന് രാജമാണിക്യം, വടക്കുംനാഥന്‍, ഇയ്യോബിന്റെ പുസ്തകം, പഴശ്ശിരാജ കറുത്തപക്ഷികള്‍ തുടങ്ങി നിരവധി ചിത്രങ്ങളിലും താരം വേഷമിട്ടു.
