ബ്ലെസി സംവിധാനം ചെയ്ത കാഴ്ച എന്ന ചിത്രത്തിലൂടെ മലയാളത്തില്‍ അരങ്ങേറ്റം കുറിച്ച നടിയാണ് പത്മപ്രിയ. തുടര്‍ന്ന് നിരവധി ചിത്രങ്ങളില്‍ പത്മപ്രിയ വേഷമിട്ടു. തുടര്‍ന്ന് സിനിമയില്‍ നിന്ന് നീണ്ട ബ്രേക്ക് എടുത്ത താരം വീണ്ടും സിനിമയില്‍ സജീവമാകുകയാണ്. ഒരു തെക്കന്‍ തല്ലുകേസ് എന്ന ചിത്രത്തില്‍ പത്മപ്രിയ അവതരിപ്പിച്ച കഥാപാത്രം ഏറെ ശ്രദ്ധിക്കപ്പെട്ടിരുന്നു. അഞ്ജലി മേനോന്‍ സംവിധാനം ചെയ്ത വണ്ടര്‍ വിമണ്‍ എന്ന ചിത്രത്തിലും പത്മപ്രിയ വേഷമിട്ടു.
ഇപ്പോഴിതാ ഫോട്ടോഷൂട്ട് ചിത്രങ്ങള്‍ പങ്കുവച്ച് രംഗത്തെത്തിയിരിക്കുകയാണ് താരം. ‘വെന്‍ ബീച്ചസ് കോള്‍സ് യൂ ആന്‍സര്‍’ എന്ന അടിക്കുറിപ്പോടെ ബീച്ചില്‍ നിന്നുള്ള ചിത്രങ്ങളാണ് താരം പങ്കുവച്ചത്. നീല നിറത്തിലുള്ള വസ്ത്രമാണ് താരം ധരിച്ചിരിക്കുന്നത്. പാര്‍വതി, സയനോര, രഞ്ജിനി ഹരിദാസ് തുടങ്ങിയവര്‍ ചിത്രത്തിന് ലൈക്കും കമന്റുമായി എത്തി.
തെലുങ്ക് ചിത്രം സീനു വാസന്തി ലക്ഷ്മി എന്ന ചിത്രത്തിലൂടെയാണ് പത്മപ്രിയ സിനിമാ ലോകത്തേക്ക് എത്തുന്നത്. അതിന് ശേഷമാണ് മമ്മൂട്ടിയുടെ നായികയായി കാഴ്ചയിലെത്തുന്നത്. തുടര്‍ന്ന് രാജമാണിക്യം, വടക്കുംനാഥന്‍, ഇയ്യോബിന്റെ പുസ്തകം, പഴശ്ശിരാജ കറുത്തപക്ഷികള്‍ തുടങ്ങി നിരവധി ചിത്രങ്ങളില്‍ വേഷമിട്ടു.
