യുഎഇ ഗോള്‍ഡന്‍ വിസ സ്വീകരിച്ച് നടി റോമ. ദുബായിലെ മുന്‍നിര സര്‍ക്കാര്‍ സേവന ദാതാക്കളായ ഇസിഎച്ച് ആസ്ഥാനത്ത് എത്തിയാണ് റോമ വിസ സ്വീകരിച്ചത്. യുഎഇയില്‍ സ്ഥിര താമസമാക്കുമെന്ന് ഗോള്‍ഡന്‍ വിസ സ്വീകരിച്ച ശേഷം റോമ പറഞ്ഞു.
കലാ സാംസ്‌കാരിക രംഗത്തെ പ്രമുഖര്‍ക്കാണ് യുഎഇ ഗോള്‍ഡന്‍ വിസ സമ്മാനിക്കുന്നത്. 10 വര്‍ഷമാണ് യുഎഇ ഗോള്‍ഡന്‍ വിസയുടെ കാലാവധി. നേരത്തെ, മലയാള ചലച്ചിത്ര താരങ്ങള്‍ ഉള്‍പ്പെടെ നിരവധി പേര്‍ക്ക് യുഎഇ ഗോള്‍ഡന്‍ വിസ ലഭിച്ചിരുന്നു. കമല്‍ഹാസന്‍, മമ്മൂട്ടി, മോഹന്‍ലാല്‍, ജയറാം, ടൊവിനോ തോമസ്, പൃഥ്വിരാജ്, ജയസൂര്യ, ദുല്‍ഖര്‍ സല്‍മാന്‍, ആശാ ശരത്ത്, ആസിഫ് അലി, ഭാവന, മീരാ ജാസ്മിന്‍, മീന, ഇടവേള ബാബു, സിദ്ദിഖ്, സുരാജ് വെഞ്ഞാറമൂട്, പ്രണവ് മോഹന്‍ലാല്‍, മനോജ് കെ ജയന്‍, നിവിന്‍ പോളി, ദിലീപ് തുടങ്ങിയവരാണ് ഗോള്‍ഡന്‍ വിസ സ്വീകരിച്ച പ്രമുഖ താരങ്ങള്‍.
ഗായിക കെ എസ് ചിത്ര, ഗായകന്‍ എം ജി ശ്രീകുമാര്‍, നിര്‍മ്മാതാവ് ആന്റോ ആന്റണി, നാദിര്‍ഷ, ആന്റണി പെരുമ്പാവൂര്‍ സംവിധായകരായ സലീം അഹമ്മദ്, സന്തോഷ് ശിവന്‍ തുടങ്ങിയവര്‍ക്കും ഗോള്‍ഡന്‍ വിസ ലഭിച്ചിരുന്നു. മലയാള ചലച്ചിത്ര രംഗത്ത് നിന്ന് നടിയും അവതാരകയുമായ നൈല ഉഷയ്ക്കും അവതാരകനും നടനുമായ മിഥുന്‍ രമേശിനും ഗോള്‍ഡന്‍ വിസ ലഭിച്ചിട്ടുണ്ട്.
