ഓണാഘോഷത്തിന്റെ ഓർമ്മകൾ പങ്ക് വെച്ച് നടി സുചിത്ര; ചിത്രങ്ങൾ

വിവാഹശേഷം അഭിനയത്തില്‍ നിന്ന് വിടപറയുന്ന നടിമാര്‍ മലയാളത്തില്‍ ഏറെയാണ്. പലരും നല്ല അവസരങ്ങളിലൂടെ തിരിച്ച് വരവ് നടത്താറുണ്ട് ഇപ്പോള്‍. ചുരുക്കം ചിലര്‍ക്ക് മാത്രമേ പഴയ സ്വീകാര്യത ലഭിക്കാറുള്ളു. അത്തരത്തില്‍ മലയാളികള്‍ തിരിച്ച് വരവിന് ആഗ്രഹിക്കുന്ന നടിമാരുടെ ലിസ്റ്റിലുള്ള താരമാണ് സുചിത്ര മുരളി. 1978-ല്‍ പുറത്തിറങ്ങിയ ‘ആരവം’ എന്ന ചിത്രത്തിലൂടെയാണ് താരം മലയാള സിനിമയില്‍ അരങ്ങേറ്റം കുറിച്ചത്. പിന്നീട് ‘നമ്പര്‍ 20 മദ്രാസ് മെയില്‍’ എന്ന ചിത്രത്തിലൂടെയാണ് ആദ്യമായി നായികയായി എത്തിയത്.

ഇപ്പോള്‍ കുടുബസമേതം അമേരിക്കയിലെ ഡാലസിലാണ് താമസിക്കുന്നത്. നൃത്തപരിപാടികളിലും അവാര്‍ഡ് വേദികളിലുമൊക്കെ താരത്തെ ആരാധകര്‍ ഇടയ്ക്കിടയ്ക്ക് കാണാറുണ്ട്. മടങ്ങി വരവിനെക്കുറിച്ചാണ് താരത്ത കാണുമ്പോള്‍ ആരാധകര്‍ക്ക് അറിയേണ്ട ആദ്യത്തെ കാര്യം. ഓണത്തിന്റെ ഓർമ്മകളുമായി നടി സോഷ്യൽ മീഡിയയിൽ പങ്ക് വെച്ച ചിത്രങ്ങളാണ് ഇപ്പോൾ ശ്രദ്ധ നേടുന്നത്. സുഹൃത്തുക്കൾക്കൊപ്പമുള്ള ചിത്രമാണ് നടി പങ്ക് വെച്ചിരിക്കുന്നത്.