ഒരു കാലത്ത് മലയാള സിനിമയില്‍ സജീവമായിരുന്ന താരമാണ് സുമ ജയറാം. മമ്മൂട്ടി അടക്കമുള്ള മലയാളത്തിലെ മുന്‍നിര താരങ്ങള്‍ക്കൊപ്പം സുമ ജയറാം അഭിനയിച്ചിട്ടുണ്ട്. ദൂരദര്‍ശന്‍ സംപ്രേഷം ചെയ്തിരുന്ന സീരിയലുകളിലൂടെയാണ് സുമ അഭിനയ രംഗത്തേക്ക് കടന്നുവന്നത്. 1988ല്‍ ഉത്സവ പിറ്റേന്ന് എന്ന ചിത്രത്തിലാണ് സുമ ആദ്യം മുഖംകാണിച്ചത്. തുടര്‍ന്ന് 1990ല്‍ പുറത്തിറങ്ങിയ മമ്മൂട്ടിയുടെ കുട്ടേട്ടന്‍ എന്ന ചിത്രത്തില്‍ ശ്രദ്ധേയമായ വേഷം ചെയ്തു.
മമ്മൂട്ടിക്ക് പുറമെ മോഹന്‍ലാലിനും ദിലീപിനും ഒപ്പമെല്ലാം തിളങ്ങിയ സുമ ഇപ്പോള്‍ ജീവിതത്തിലെ പുതിയ സന്തോഷം പങ്കുവച്ച് എത്തിയിരിക്കുകയാണ്. ആദ്യമായി അമ്മയായ സന്തോഷമാണ് സുമ ജയറാം പങ്കുവച്ചിരിക്കുന്നത്. അമ്പതിനോട് അടുക്കുന്ന വേളയില്‍ ഇരട്ട കുഞ്ഞുങ്ങളാണ് സുമയ്ക്ക് പിറന്നിരിക്കുന്നത്. വര്‍ഷങ്ങളുടെ കാത്തിരിപ്പിന് ശേഷമാണ് സുമ അമ്മയായത്. ആന്റണി ഫിലിപ് മാത്യു, ജോര്‍ജ്ജ് ഫിലിപ്പ് മാത്യു എന്നിങ്ങനെയാണ് കുഞ്ഞുങ്ങള്‍ക്ക് താരം നല്‍കിയിരിക്കുന്ന പേര്.
2018ല്‍ ആയിരുന്നു സുമയുടെ വിവാഹം. ബാല്യകാല സുഹൃത്തിനെയാണ് സുമ ഭര്‍ത്താവായി തെരഞ്ഞെടുത്തത്. ലല്ലുഷ് ഫിലിപ്പ് മാത്യുവാണ് താരത്തിന്റെ ഭര്‍ത്താവ്. സുമയുടെ വിവാഹത്തിന് ഫഹദ് ഫാസില്‍ അടക്കമുള്ള താരങ്ങളും പങ്കെടുത്തിരുന്നു.
