ഹാസ്യരംഗങ്ങളിൽ മികച്ച പ്രകചടനം നടത്തി മലയാളികൾക്ക് ഏറ്റവും പ്രിയപ്പെട്ട നടിയായി മാറിയ താരമാണ് തെസ്നി ഖാൻ. കൊച്ചിൻ കലാഭവനിൽ നിന്ന് സിനിമയിലേക്ക് എത്തിയ താരം നൃത്തവും മാജിക്കും തുടങ്ങി എല്ലാത്തിലുമൂടെ പ്രേക്ഷകമനസിൽ ഇടം പിടിച്ച താരമാണ്. ബിഗ് ബോസിലും താരം തന്റെ സാന്നിധ്യം അറിയിച്ചിരുന്നു. ബിഗ് ബോസ് സീസൺ ടുവിൽ മത്സരാർത്ഥി ആയിരുന്നു തെസ്നി ഖാൻ മത്സരത്തിന് ഇടയിൽ വെച്ച് പുറത്താകുകയും ചെയ്തിരുന്നു.
വെള്ളിത്തിരയിലേക്ക് തെസ്നി ഖാൻ എത്തുന്നത് 1988ൽ പുറത്തിറങ്ങിയ ഡെയ്സി എന്ന സിനിമയിൽ കൂടിയാണ്. മലയാളസിനിമയിലെ ഒട്ടുമിക്ക താരങ്ങൾക്കുമൊപ്പം തെസ്നി അഭിനയിച്ചിട്ടുണ്ട്. മലയാളത്തിന്റെ പ്രിയതാരം മമ്മൂട്ടി നായകനായി എത്തിയ ദൈവത്തിന്റെ സ്വന്തം ക്ലീറ്റസ് എന്ന സിനിമയിലെ ചില സംഭവങ്ങൾ ഓർത്തെടുക്കുകയാണ് താരം. മുമ്പ് ഒരിക്കൽ മമ്മൂട്ടിയെക്കുറിച്ച് തെസ്നി ഖാൻ വെളിപ്പെടുത്തിയ ഈ കാര്യം സോഷ്യൽമീഡിയയിൽ ഇപ്പോൾ ചർച്ചയാകുകയാണ്.
ദൈവത്തിന്റെ സ്വന്തം ക്ലീറ്റസ് സിനിമയിൽ മമ്മൂട്ടിയുടെ കഥാപാത്രം തെസ്നി ഖാന്റെ കഥാപാത്രത്തിന്റെ പിറകിൽ അടിക്കുന്ന ഒരു സീൻ ഉണ്ട്. ഈ സീൻ എടുക്കാൻ എല്ലാവരും സെറ്റിൽ എത്തി. അടുത്തതായി ചിത്രീകരിക്കേണ്ടത് തെസ്നിയുടെ കഥാപാത്രത്തിന്റെ പിന്നിൽ അടിക്കുന്ന സീൻ ആണ്. എന്നാൽ സംവിധായകൻ ഇക്കാര്യം പറഞ്ഞെങ്കിലും മമ്മൂട്ടി അതിന് തയ്യാറല്ലായിരുന്നു. താൻ ഉൾപ്പെടെ ഉള്ളവർ ഇത് സിനിമയ്ക്ക് വേണ്ടിയല്ലേ എന്ന് പറഞ്ഞെങ്കിലും മമ്മൂക്ക ആ രംഗം ചെയ്യാൻ തയ്യാറായില്ല. നടന്ന് തെസ്നിയുടെ അടുത്ത് എത്തുമെങ്കിലും ആ സീൻ ചെയ്യാൻ മടിക്കും. പലതവണ ഇത് ആവർത്തിച്ചു. ഒടുവിൽ മമ്മൂട്ടി തന്നെ സംവിധായകനോട് ആ സീൻ തനിക്ക് ചെയ്യാൻ വയ്യെന്ന് അറിയിക്കുകയായിരുന്നു. ഒടുവിൽ മമ്മൂട്ടിക്ക് പകരം ഡ്യൂപ്പിനെ വെച്ച് ആ സീൻ ചിത്രീകരിക്കുകയായിരുന്നു. ആ സീനിൽ നടന്നു വരുന്ന മമ്മൂട്ടിയെയും അടിച്ചു കഴിഞ്ഞു നടന്നു പോകുന്ന മമ്മൂട്ടിയെയും കാണാം. എന്നാൽ, അടിക്കുന്ന സീൻ ക്ലോസ് അപ്പിലാണ്. ഡ്യൂപ്പ് ആയിരുന്നു ആ സീൻ ചെയ്തതെന്നും തെസ്നി ഖാൻ പറഞ്ഞു.
