വളരെ കുറച്ച് ചിത്രങ്ങളിൽ മാത്രം അഭിനയിച്ച് മലയാളികളുടെ മനസിൽ ഇടം നേടിയ നടിയാണ് അഹാന കൃഷ്ണ. സോഷ്യൽ മീഡിയയിലും സജീവമാണ് താരം. തന്റെ വ്യക്തിപരമായ വിശേഷങ്ങളും വീട്ടിലെ വിശേഷങ്ങളും യാത്രാവിശേഷങ്ങളും എല്ലാം അഹാന സോഷ്യൽ മീഡിയ വഴി പങ്കുവെയ്ക്കാറുണ്ട്. രണ്ടു വർഷം മുമ്പ് നടത്തിയ മാലിദ്വീപ് യാത്രയെക്കുറിച്ച് അഹാന സമൂഹമാധ്യമത്തിൽ പലപ്പോഴും സംസാരിച്ചിട്ടുണ്ട്. മാലിദ്വീപിനെ തന്റെ ഹൃദയം കവർന്ന പറുദീസയെന്നാണ് താരം വിശേഷിപ്പിക്കുന്നത്.
ഇപ്പോൾ വീണ്ടും മാലിദ്വീപിലേക്ക് എത്തിയതിന്റെ വിശേഷങ്ങൾ പങ്കുവെയ്ക്കുകയാണ് താരം. മാലിദ്വീപിൽ നിന്നുള്ള ഹോട്ട് ചിത്രങ്ങൾ ചെറിയൊരു അടിക്കുറിപ്പോടെയാണ് താരം പങ്കുവെച്ചത്. ‘മാലിദ്വീപ് എന്ന് വിളിക്കപ്പെടുന്ന ഈ പറുദീസായിൽ രണ്ടു വർഷം മുമ്പ് ഉപേക്ഷിച്ചു പോയ എന്റെ ഹൃദയത്തിന്റെ ഒരു കഷണം തേടി വീണ്ടും ഞാൻ ഇവിടെയെത്തി’ – ചിത്രങ്ങൾ പങ്കുവെച്ചു കൊണ്ട് അഹാന കൃഷ്ണ കുറിച്ചു.
സോഷ്യൽ മീഡിയയിൽ സജീവമായ താരത്തിന് സ്വന്തമായി യുട്യൂബ് ചാനലുമുണ്ട്. അടുത്തിടെ ‘തോന്നൽ’ എന്ന മ്യൂസിക് വീഡിയോ താരം സംവിധാനം ചെയ്തിരുന്നു. സോഷ്യൽ മീഡിയയിൽ താരത്തിന് നിരവധി ആരാധകരുണ്ട്. അഹാനയുടെ പുതിയ സിനിമകൾ അടി, നാൻസി റാണി എന്നിവയാണ്. അഹാനയെ കൂടാതെ ഷൈൻ ടോം ചാക്കോ, ധ്രുവ് എന്നിവരാണ് അടിയിൽ അഹാനയ്ക്ക് ഒപ്പമെത്തുന്നത്.
View this post on Instagram
