ഇന്ത്യയില്‍ ഏറ്റവും കൂടുതല്‍ നികുതിയടയ്ക്കുന്ന വ്യക്തിയായി ബോളിവുഡ് താരം അക്ഷയ് കുമാര്‍. അക്ഷയ് കുമാറിനെ അഭിനന്ദിച്ചുകൊണ്ടുള്ള ആദായ നികുതി വകുപ്പിന്റെ സര്‍ട്ടിഫിക്കറ്റ് സോഷ്യല്‍ മീഡിയയില്‍ വൈറലായി.
സര്‍ട്ടിഫിക്കറ്റ് വൈറലായതിന് പിന്നാലെ അക്ഷയ് കുമാറിന് അഭിനന്ദനം അറിയിച്ച് നിരവധി കമന്റുകളാണ് വന്നിരിക്കുന്നത്. കനേഡിയന്‍ എന്ന് വിളിക്കുന്ന അക്ഷയ് കുമാര്‍ സിനിമയില്‍ നിന്ന് വലിയ വരുമാനം ഉണ്ടാക്കിയില്ലെങ്കിലും ഇന്ത്യയില്‍ ഏറ്റവും കൂടുതല്‍ നികുതിയടക്കുന്ന ആളായി മാറി എന്നാണ് ഒരാള്‍ കമന്റ് ചെയ്തിരിക്കുന്നത്.
ബോളിവുഡിലെ ഏറ്റവും ഉയര്‍ന്ന പ്രതിഫലം വാങ്ങുന്ന താരങ്ങളിലൊരാളാണ് അക്ഷയ് കുമാര്‍. സാമ്രാട്ട് പൃഥ്വിരാജാണ് അക്ഷയ് കുമാറിന്റേതായി ഒടുവില്‍ പുറത്തിറങ്ങിയ ചിത്രം. 2023 ഫെബ്രുവരി 24-ന് പുറത്തിറങ്ങുന്ന ‘സെല്‍ഫി’യാണ് അക്ഷയ് കുമാറിന്റെ പുറത്തിറങ്ങാനുള്ള സിനിമ. ഇമ്രാന്‍ ഹാഷ്മി, ഡയാന പെന്റി, നുഷ്രത്ത് ബറൂച്ച എന്നിവരും പ്രധാന വേഷങ്ങളില്‍ എത്തുന്നുണ്ട്. മലയാള ചിത്രം ഡ്രൈവിംഗ് ലൈസന്‍സിന്റെ ഹിന്ദി പതിപ്പാണ് സെല്‍ഫി.
