തെന്നിന്ത്യയിലും മലയാളത്തിലുമായി നിരവധി ബോള്‍ഡ് ആയ കഥാപാത്രങ്ങള്‍ ചെയ്ത് ശ്രദ്ധ നേടിയ താരമായ അമല മലയാളിയാണെങ്കിലും അഭിനയിച്ചിരിക്കുന്നത് ഏറെയും അന്യ ഭാഷാ ചിത്രങ്ങളിലാണ്. തന്റെ കഥാപാത്രങ്ങളെ എല്ലാം വളരെ മികവുറ്റതാക്കാന്‍ അമലയ്ക്ക് സാധിക്കും. ശക്തമായ കഥാപാത്രങ്ങള്‍ കൊണ്ട് പ്രേക്ഷകരുടെ ഹൃദയത്തെ വളരെ പെട്ടെന്ന് കീഴടക്കുവാന്‍ അമലയ്ക്ക് കഴിഞ്ഞു. മലയാളത്തില്‍ ചുരുക്കം സിനിമകളെ അമല ചെയ്തിട്ടുള്ളു. എന്നാല്‍ അതെല്ലാം പെട്ടെന്ന് തന്നെ പ്രേക്ഷക സ്വീകാര്യത നേടി. തമിഴിലാണ് താരം ഏറ്റവും കൂടുതല്‍ തിളങ്ങി നില്‍ക്കുന്നത്.
ഇപ്പോഴിതാ താരത്തിന്റെ സഹോദരന്‍ അഭിജിത്ത് പോള്‍ വിവാഹിതനായി. അല്‍ക കുര്യന്‍ ആണ് വധു. വിവാഹ റിസപ്ഷന്റെ വിഡിയോയും ചിത്രങ്ങളും സോഷ്യല്‍ മീഡിയയില്‍ വൈറലായിരിക്കുകയാണ്. കോവിഡ് പ്രോട്ടോക്കോള്‍ പാലിച്ചായിരുന്നു വിവാഹം. കുടുംബാംഗങ്ങളും അടുത്ത സുഹൃത്തുക്കളും മാത്രമാണ് പങ്കെടുത്തത്. മര്‍ച്ചന്റ് നേവിയില്‍ ജോലി ചെയ്യുന്ന അഭിജിത്ത് ലൈല ഓ ലൈല, ദേവി എന്നീ ചിത്രങ്ങളില്‍ ചെറിയ വേഷങ്ങള്‍ ചെയ്തിരുന്നു. പിന്നീട് ജോലിയിലെ തിരക്കുകള്‍ കാരണം അഭിനയം ഉപേക്ഷിക്കുകയായിരുന്നു.
മികവുറ്റ കഥാപാത്രങ്ങള്‍ അഭിനയിച്ച് ഫലിപ്പിക്കുന്നതിനോടൊപ്പം തന്നെ ആത്മീയതക്കും യോഗക്കുമെല്ലാം തന്റെ ജീവിതത്തില്‍ സിനിമയോളം തന്നെ പ്രാധാന്യം നല്‍കുന്ന താരമാണ് നടി അമല പോള്‍. ഷൂട്ടിങ്ങ് ഇടവേളകളില്‍ യോഗക്കും ആത്മീയതക്കും താരം സമയം കണ്ടെത്താറുണ്ട്. മോഡലിങ്ങില്‍ സജീവമായ സമയത്താണ് സംവിധായകന്‍ ലാല്‍ ജോസ് അമലയെ തന്റെ നീലത്താമര എന്ന സിനിമയില്‍ അഭിനയിക്കാന്‍ ക്ഷണിക്കുന്നത്. നീലത്താമര വിജയമായെങ്കിലും അമലയ്ക്ക് പിന്നീട് നല്ല അവസരങ്ങള്‍ ലഭിച്ചില്ല. പിന്നീട് തമിഴില്‍ ചെറിയ വേഷങ്ങള്‍ ചെയ്‌തെങ്കിലും ശ്രദ്ധിക്കപ്പെട്ടില്ല. സാമിയുടെ വിവാദചിത്രമായ സിന്ധു സമവേലി (2010) എന്ന ചിത്രത്തില്‍ അഭിനയിച്ചതോടെ അമല അറിയപ്പെട്ടു തുടങ്ങി. പിന്നീട് മൈന എന്ന സിനിമയിലൂടെ മുന്‍ നിരയിലേയ്ക്ക് എത്തുകയും ചെയ്തു. മൈന ഒട്ടേറെ പുരസ്‌കാരങ്ങള്‍ നേടി. പൃഥ്വിരാജ് നായകനാകുന്ന ആടുജീവിതമാണ് മലയാളത്തില്‍ അമലയുടേതായി പുറത്തിറങ്ങാനിരിക്കുന്ന ചിത്രം.
