ഒരു പഴയ ബോംബ് കഥ, ആട് 2 എന്നീ ചിത്രങ്ങളിലൂടെയാണ് അമേയ മാത്യു അഭിനയരംഗത്തെത്തുന്നത്. മമ്മൂട്ടിയുടെ ദ് പ്രീസ്റ്റ് ആണ് നടിയുടെ ഏറ്റവും പുതിയ ചിത്രം. ലോക്ക് ഡൗൺ കാലത്ത് കഷ്ടപ്പെട്ട് ശരീര ഭാരം കുറച്ചതിനെ പറ്റിയും അതിലൂടെ തനിക്കു നഷ്ടമായ അവസരങ്ങളെ പറ്റിയും താരം പങ്കുവച്ചിരുന്നു. തന്റെ വിശേഷങ്ങൾ എല്ലാം സോഷ്യൽ മീഡിയ അക്കൗണ്ട്കളിലൂടെ താരം ആരാധകർക്കായി പങ്കുവയ്ക്കാറുണ്ട്. കരിക്ക് എന്ന വെബ്സീരീസിലൂടെ വളരെ പ്രശസ്തി നേടുവാനും അമേയക്ക് സാധിച്ചു.
ഗ്ലാമറസ്, മോഡേൺ, നാടൻ ഫോട്ടോഷൂട്ടുകൾ അമേയ നടത്താറുണ്ട്. ഹോളി ആഘോഷിച്ചതിന്റെ ചിത്രങ്ങളാണ് താരം ഇപ്പോൾ പങ്ക് വെച്ചിരിക്കുന്നത്. “എന്നും മങ്ങിയ കാഴ്ച്ചകളിൽ നിന്ന് മാറ്റം കിട്ടുന്ന ഒരു ദിവസം. വർണങ്ങളുടെ ദിവസം, വർണങ്ങളാൽ നിറയും ദിവസം ചുരുക്കി പറഞ്ഞാൽ ഒരു ഹോളിഡേ…! 😹🎉💚💛🧡❤️💜💙💫🔥” എന്ന ക്യാപ്ഷനോട് കൂടിയാണ് അമേയ ചിത്രങ്ങൾ പങ്ക് വെച്ചിരിക്കുന്നത്.
