മലയാള സിനിമ ലോകത്തെ അഭിനേതാക്കളുടെ സംഘടനയായ അമ്മയുടെ വനിതാദിന പ്രത്യേക പരിപാടിയായ ആർജ്ജവ കഴിഞ്ഞ ദിവസം നടന്നു. സംഘടനയിലെ അംഗങ്ങളായ നടിമാർ മിക്കവരും തന്നെ ചടങ്ങിൽ പങ്കെടുത്തിരുന്നു. ഇപ്പോൾ ആ ചടങ്ങിൽ നിന്നുമുള്ള ഫോട്ടോസാണ് സോഷ്യൽ മീഡിയ കീഴടക്കുന്നത്. കേരളസാരിയിൽ ഏറെ സുന്ദരിമാരായിട്ടാണ് പ്രിയ നായികമാർ എത്തിയിരിക്കുന്നത്.
ലാലേട്ടനും മണിയൻപിള്ള രാജുവിനുമൊപ്പം ശ്വേതാ മേനോൻ, സുരഭി ലക്ഷ്‌മി, സ്വാസിക, അൻസിബ ഹസൻ, തെസ്‌നി അലി ഖാൻ, മഞ്ജു പിള്ളൈ, പൊന്നമ്മ ബാബു, ബീന ആന്റണി, റിയ സാറ, പാരീസ് ലക്ഷ്‌മി, ദേവി ചന്ദന, രചന നാരായണൻകുട്ടി, ശ്രുതി ലക്ഷ്‌മി, അനന്യ തുടങ്ങിയ നിരവധി നടിമാരാണ് ചടങ്ങിൽ പങ്കെടുത്തത്.
നടീ നടന്മാരുടെ സംഘടനയായ “അമ്മ” (അസോസിയേഷൻ ഓഫ് മലയാളം മൂവി ആർട്ടിസ്റ്റ്) വനിതാ ദിന ആഘോഷ പരിപാടിയായ ആർജ്ജവയുടെ വേദിയിൽ വെച്ച് അമ്മയുടെ ചാരിറ്റി പ്രവർത്തനത്തിന്റെ ഭാഗമായി തിരുവല്ലയിൽ പ്രശസ്ത മിമിക്രി കലാകാരനായ റെജി തിരുവല്ലക്കുവെച്ചു കൊടുത്ത “അമ്മവീടിന്റെ” താക്കോൽ ദാനം പ്രസിഡന്റ് മോഹൻലാൽ നിർവഹിക്കുകയുമുണ്ടായി. ടിനി ടോം ആമുഖം നൽകിയ ചടങ്ങിൽ ജനറൽ സെക്രട്ടറി ഇടവേള ബാബു, ഫാദർ ഫ്രാൻസിസ് തനിയത്ത് എന്നിവർ സന്നിദ്ധരായിരുന്നു. മിമിക്രി രംഗത്തെ കലാകാരന്മാരുടെ അഭ്യർത്ഥനയെ മാനിച്ചാണ് ഈ കലാകാരനു അമ്മ വീട് വെച്ച് കൊടുത്തത്. ഈ ശ്രേണിയിൽ ഒൻപതാമത്തെ വീടാണ് “അമ്മ” വെച്ച് നൽകുന്നത്.
