ബാലയുമായി വീണ്ടും ഒന്നിക്കുന്നു എന്ന് വാർത്തകൾ !! തുണി മേടിക്കാൻ പോയാൽ കല്യാണതുണി മേടിക്കാൻ പോയി എന്നാണ് ചിലർ വിചാരിക്കുന്നത്; വ്യാജ വാർത്തകളോട് പ്രതികരിച്ച് അമൃത സുരേഷ്

ഐഡിയ സ്റ്റാർ സിംഗർ എന്ന റിയാലിറ്റിഷോയിലൂടെ ഏറെ പ്രേക്ഷകശ്രദ്ധ നേടിയെടുത്ത വ്യക്തിയാണ് അമൃത സുരേഷ്. റിയാലിറ്റി ഷോ അവസാനിച്ചതോടെ അമൃതയ്ക്ക് നിരവധി അവസരങ്ങളാണ് ലഭിച്ചത്. ഇതിനിടയിൽ ആയിരുന്നു ബാലയുമായുള്ള വിവാഹം. വിവാഹത്തിനുശേഷവും സംഗീതത്തിൽ സജീവമായിരുന്നു അമൃത. എന്നാൽ വളരെ വേഗത്തിൽ തന്നെ ഇരുവരും വിവാഹമോചിതരായി. പാപ്പു എന്ന് വിളിക്കുന്ന അവന്തിക ആണ് ഇരുവരുടേയും മകൾ. ഇനിയുള്ള ജീവിതം മകൾക്ക് വേണ്ടി മാത്രമാണെന്ന് അമൃത പറഞ്ഞിരുന്നു. അമൃതംഗമയ എന്ന് ബാൻഡുമായി അമൃതയും സഹോദരി അഭിരാമിയും സജീവമാണ്.

കഴിഞ്ഞദിവസം പ്രചരിച്ച വ്യാജ വാർത്തക്കെതിരെ ഇപ്പോൾ രംഗത്തെത്തിയിരിക്കുകയാണ് താരം. സംഗീത ജീവിതത്തിലെ പുതിയ പ്രോജക്ടുകളെ പറ്റി അമൃത കഴിഞ്ഞദിവസം സോഷ്യൽ മീഡിയയിൽ കുറിച്ചിരുന്നു. കഴിഞ്ഞതെല്ലാം ഒരു പാഠം ആണെന്നും ഇനി പുതിയ കാര്യങ്ങൾ ചെയ്യാൻ തയ്യാറാവുക ആണെന്നുമായിരുന്നു താരം കുറിച്ചത്. എന്നാൽ ഇത് ബാലിയുമായി വീണ്ടും വിവാഹം ചെയ്യുന്നതിനുള്ള തയ്യാറെടുപ്പാണ് എന്ന് പലരും തെറ്റിദ്ധരിക്കുകയും അത് അമൃതയെ അത്ഭുതപ്പെടുത്തുകയും ചെയ്തു. ഇതിനെപ്പറ്റി അമൃത ഇപ്പോൾ തുറന്നു സംസാരിക്കുകയാണ്

‘ഇതിനു മുമ്ബും പല തവണ ഇത്തരം വ്യാജ പ്രചാരണങ്ങളുണ്ടായിട്ടുണ്ട്. സോഷ്യൽ മീഡിയയിൽ എന്തെങ്കിലും എഴുതിയാൽ നമ്മൾ വിചാരിക്കുക പോലും ചെയ്യാത്ത തരത്തിലേയ്ക്ക് അവ വളച്ചൊടിക്കപ്പെടും. ഇത്തരം പ്രചാരണങ്ങളോടു പ്രതികരിച്ചു മടുത്തു. പരിധി കടന്നാൽ നിയമപരമായി നേരിടും. കഴിഞ്ഞ ദിവസംകുറച്ചു തുണിത്തരങ്ങൾ വാങ്ങാൻ പോയിരുന്നു. അന്നത്തെ ചിത്രങ്ങളോ വിഡിയോകളോ പോസ്റ്റു ചെയ്താൽ ഞാൻ കല്യാണ സാരിയെടുക്കാനാണ് പോയതെന്നു പോലും പലരും പറയുകയും പ്രചരിപ്പിക്കുകയും ചെയ്‌തേക്കാം. എന്തിനാണ് വാസ്തവ വിരുദ്ധമായ ഇത്തരം കാര്യങ്ങൾ പ്രചരിപ്പിക്കുന്നതെന്ന് മനസിലാകുന്നില്ല’ എന്ന് അമൃത പറയുന്നു. നടൻ ബാലയും കഴിഞ്ഞ ദിവസം വ്യാജ വിവാഹ വാർത്തകൾക്കെതിരെ രംഗത്തെത്തിയിരുന്നു. തന്റെ അച്ഛൻ സുഖമില്ലാതെ കിടക്കുകയാണെന്നും ഇത് തന്റെ അവസാനത്തെ മുന്നറിയിപ്പാണെന്നും ബാല താക്കീത് നൽകി.