അര്‍ജുന്‍ അശോകന്‍ നായകനായി എത്തിയ ചിത്രമാണ് തട്ടാശ്ശേരി കൂട്ടം. ഈ കഴിഞ്ഞ വെള്ളിയാഴ്ച പ്രേക്ഷകരുടെ മുന്നിലെത്തിയ ചിത്രം മികച്ച പ്രതികരണമാണ് നേടിയത്. നടന്‍ ദിലീപിന്റെ സഹോദരന്‍ അനൂപ് പത്മനാഭനാണ് ചിത്രം സംവിധാനം ചെയ്തത്. ആദ്യാവസാനം വരെ ചിരിയുടെ രസക്കൂട്ട് തീര്‍ത്ത ചിത്രം മികച്ച ഫാമിലി എന്‍ടെയ്‌നറാണ്. ജിയോ പിവിയുടെ കഥയില്‍ സന്തോഷ് എച്ചിക്കാനം തിരക്കഥ രചിച്ച ഈ ചിത്രം അനൂപിന്റെ മേക്കിംഗ് കൊണ്ടാണ് ശ്രദ്ധ നേടുന്നത്. ആദ്യചിത്രം കൊണ്ട് തന്നെ മികച്ച സംവിധായകനെന്ന പേരെടുക്കാന്‍ അനൂപിന് കഴിഞ്ഞിട്ടുണ്ട്.
മികച്ച സാങ്കേതിക തികവില്‍ കൂടിയാണ് ഈ ചിത്രം പ്രേക്ഷകരുടെ മുന്നില്‍ എത്തിയിരിക്കുന്നത്. ജിതിന്‍ ക്യാമറ ചലിപ്പിച്ച തട്ടാശ്ശേരി കൂട്ടത്തിന്റെ എഡിറ്റിംഗ് നിര്‍വഹിച്ചത് വി സാജന്‍ ആണ്. ഹാസ്യത്തില്‍ ചാലിച്ച് കഥ പറഞ്ഞു തുടങ്ങിയ ഈ ചിത്രം പിന്നീട്, പ്രണയം, ത്രില്ലര്‍, ആക്ഷന്‍ ട്രാക്കുകളുലൂടെയും കടന്നുപോകുന്നുണ്ട്. ഇതെല്ലാം കോര്‍ത്തിണക്കാന്‍ അനൂപ് കാണിച്ച മികവിന് വലിയ കയ്യടിയാണ് ലഭിക്കുന്നത്. അര്‍ജുന്‍ അശോകന്‍ നായകനായി എത്തിയ ഈ ചിത്രത്തിലെ നായികാ വേഷം ചെയ്തത് പ്രിയംവദയാണ്. ഗണപതി, അനീഷ് ഗോപാല്‍, അപ്പു, ഉണ്ണി രാജന്‍ പി ദേവ്, വിജയ രാഘവന്‍, ശ്രീലക്ഷ്മി, സിദ്ദിഖ്, ഷൈനി സാറ എന്നിവരാണ് മറ്റ് കഥാപാത്രങ്ങളെ അവതരിപ്പിച്ചിരിക്കുന്നത്.
പ്രൊജക്ട് ഹെഡ് റോഷന്‍ ചിറ്റൂര്‍, കോ. പ്രൊഡ്യൂസ് ചന്ദ്രന്‍ അത്താണി, ശരത് ജി നായര്‍, ബൈജു ബി ആര്‍, കഥ ജിയോ പി.വി, എഡിറ്റര്‍ വി. സാജന്‍, ചീഫ് അസ്സോസിയേറ്റ് ഡയറക്ടര്‍ സുധീഷ് ഗോപിനാഥ്, കലാ സംവിധാനം അജി കുറ്റിയാണി, ഗാനരചന ബി.കെ ഹരിനാരായണന്‍ രാജീവ് ഗോവിന്ദന്‍ സഖി എല്‍സ, ചമയം റഷീദ് അഹമ്മദ്, വസ്ത്രാലങ്കാരം സഖി എല്‍സ, നിര്‍മ്മാണ നിര്‍വ്വഹണം ഷാഫി ചെമ്മാട്, സ്റ്റില്‍സ് നന്ദു എന്നിവരാണ് മറ്റ് അണിയറ പ്രവര്‍ത്തകര്‍.
