മോഹന്‍ലാലിന്റെ ‘ആറാട്ടി’ന്റെ ടീസര്‍ നാളെ വിഷു ദിനത്തില്‍ പുറത്തിറങ്ങും. വിഷുദിനത്തില്‍ ടീസര്‍ എത്തുമെന്ന് മോഹന്‍ലാല്‍ തന്നെ സോഷ്യല്‍മീഡിയയിലൂടെ അറിയിച്ചിരിക്കുകയാണ്. രാവിലെ 11 മണിക്കാണ് ടീസര്‍ പുറത്തിറക്കുന്നത്. ബി ഉണ്ണികൃഷ്ണന്‍ സംവിധാനം ചെയ്യുന്ന ആറാട്ടിന് തിരക്കഥ ഒരുക്കിയിരിക്കുന്നത് ഉദയകൃഷ്ണയാണ്. പുലിമുരുകന് ശേഷം അദ്ദേഹം മോഹന്‍ലാലിനു വേണ്ടിയൊരുക്കിയിരിക്കുന്ന തിരക്കഥയാണിത്.
നെയ്യാറ്റിന്‍കര ഗോപനായി മോഹന്‍ലാല്‍ വേഷമിടുന്നതാണ് ചിത്രം. മാടമ്പി, മിസ്റ്റര്‍ ഫ്രോഡ്, ഗ്രാന്‍ഡ് മാസ്റ്റര്‍, വില്ലന്‍ എന്നീ സിനിമകള്‍ക്ക് ശേഷം മോഹന്‍ലാലും ബി ഉണ്ണികൃഷ്ണനും ഒരുമിക്കുന്ന സിനിമയാണിത്. ശ്രദ്ദ ശ്രീനാഥ് ഐ.എ.എസ് ഉദ്യോഗസ്ഥയായാണ് ചിത്രത്തിലെത്തുന്നത്.
നെടുമുടി വേണു, സായ്കുമാര്‍, സിദ്ദിഖ്, വിജയരാഘവന്‍, ജോണി ആന്റണി, ഇന്ദ്രന്‍സ്, രാഘവന്‍, നന്ദു, ബിജു പപ്പന്‍, ഷീല, സ്വാസിക, മാളവിക, രചന നാരായണന്‍കുട്ടി തുടങ്ങിയവരാണ് ചിത്രത്തിലെ മറ്റു താരങ്ങള്‍. ക്യാമറ വിജയ് ഉലകനാഥ്, എഡിറ്റര്‍ സമീര്‍ മുഹമ്മദ്. സംഗീതം രാഹുല്‍ രാജ്. കലാസംവിധാനം ജോസഫ് നെല്ലിക്കല്‍. വസ്ത്രാലങ്കാരം സ്റ്റെഫി സേവ്യര്‍ തുടങ്ങിയവരാണ്.
‘നെയ്യാറ്റിന്‍കര ഗോപന്റെ ആറാട്ട് എന്നാണ് സിനിമയുടെ മുഴുവന്‍ പേര്. ഒരു തികഞ്ഞ മാസ് ആക്ഷന്‍ പടമാണ് സിനിമയെന്നാണ് ഇതുവരെ പുറത്തിറങ്ങിയ പോസ്റ്ററുകള്‍ സൂചിപ്പിക്കുന്നത്. എ ആര്‍ റഹ്മാനും ഒരു ഗാനരംഗത്തില്‍ സിനിമയില്‍ മോഹന്‍ലാലിനൊപ്പം എത്തുന്നുമുണ്ട്.
