മലയാളത്തിന്റെ പ്രിയതാരം മഞ്ജു വാര്യർ, സൗബിൻ ഷാഹിർ എന്നിവർ പ്രധാനവേഷങ്ങളിൽ എത്തുന്ന ചിത്രമാണ് വെള്ളരിപട്ടണം. ചിത്രത്തിലെ ‘അരികെയൊന്ന് കണ്ടൊരു’ എന്ന ഗാനം കഴിഞ്ഞദിവസമാണ് റിലീസ് ആയത്. മനോരമ മ്യൂസികിന്റെ യുട്യൂബ് ചാനലിലൂടെയാണ് പാട്ട് റിലീസ് ആയത്. പാട്ടിന്റെ ലിറിക്കൽ വീഡിയോ ആണ് റിലീസ് ചെയ്തിരിക്കുന്നത്. വിനായക് ശശികുമാറിന്റെ വരികൾക്ക് സച്ചിൻ ശങ്കർ മന്നത്ത് ആണ് സംഗീതം നൽകിയിരിക്കുന്നത്. കെ എസ് ഹരിശങ്കർ, നിത്യ മാമൻ എന്നിവർ ചേർന്നാണ് ഗാനം ആലപിച്ചിരിക്കുന്നത്. മഹേഷ് വെട്ടിയാർ സംവിധാനം ചെയ്യുന്ന ചിത്രം ശരത് കൃഷ്ണയും മഹേഷ് വെട്ടിയാറും ചേർന്നാണ് രചിച്ചിരിക്കുന്നത്. അലക്സ് ജെ പുളിക്കൽ ആണ് ഛായാഗ്രഹണം.
സ്വാതന്ത്ര്യദിനത്തിൽ വെള്ളരിപട്ടണം സിനിമ അണിയറപ്രവർത്തകർ പുറത്തിറക്കിയ പ്രത്യേക പോസ്റ്റർ വൈറലായിരുന്നു. പോസ്റ്ററിൽ മഞ്ജു വാര്യരും സൗബിൻ ഷാഹിറുമാണ് ഉള്ളത്. ഇന്ദിരയുടെ ലുക്കിൽ മഞ്ജു വാര്യരും ചർക്കയിൽ നൂൽ കോർക്കുന്ന സൗബിനുമായിരുന്നു പോസ്റ്ററിൽ ഉണ്ടായിരുന്നത്. ചിത്രം സെപ്റ്റംബറിൽ തിയറ്ററുകളിൽ റിലീസ് ചെയ്യും. ലീഡർ കെ പി സുരേഷ് എന്ന കഥാപാത്രത്തെയാണ് സൗബിൻ ചിത്രത്തിൽ അവതരിപ്പിക്കുന്നത്. ആക്ഷേപഹാസ്യ സ്വഭാവമുള്ള ചിത്രമാണോ വെള്ളരിപട്ടണം എന്ന് തോന്നിപ്പിക്കുന്ന വിധത്തിലുള്ള ടീസറുകൾ നേരത്തെ തന്നെ ശ്രദ്ധിക്കപ്പെട്ടിരുന്നു.
മഹേഷ് വെട്ടിയാറാണ് ചിത്രത്തിന്റെ സംവിധായകന്‍. ആക്ഷന്‍ ഹീറോ ബിജു, അലമാര, മോഹന്‍ലാല്‍, കുങ്ഫുമാസ്റ്റര്‍ തുടങ്ങിയ സിനിമകള്‍ക്ക് ശേഷം ഫുള്‍ ഓണ്‍ സ്റ്റുഡിയോസാണ് വെള്ളരിപട്ടണം നിര്‍മിക്കുന്നത്. മാധ്യമപ്രവര്‍ത്തകനായ ശരത്കൃഷ്ണയും മഹേഷ് വെട്ടിയാറും ചേര്‍ന്നാണ് ചിത്രത്തിന്റെ രചന നിര്‍വഹിച്ചിരിക്കുന്നത്. സലിംകുമാര്‍, സുരേഷ്‌കൃഷ്ണ, ശബരീഷ് വര്‍മ, അഭിരാമി ഭാര്‍ഗവന്‍, കോട്ടയം രമേശ്, മാല പാര്‍വതി, വീണനായര്‍, പ്രമോദ് വെളിയനാട് തുടങ്ങിയവരാണ് ചിത്രത്തിലെ മറ്റ് അഭിനേതാക്കള്‍. അലക്സ് ജെ.പുളിക്കല്‍ ആണ് ഛായാഗ്രഹണം. അപ്പു എന്‍. ഭട്ടതിരി എഡിറ്റിംഗും ജ്യോതിഷ് ശങ്കര്‍ കലാസംവിധാനവും നിര്‍വഹിച്ചിരിക്കുന്നു. മധുവാസുദേവന്റേയും വിനായക് ശശികുമാറിന്റേയും വരികള്‍ക്ക് സച്ചിന്‍ ശങ്കര്‍ മന്നത്താണ് സംഗീതം പകര്‍ന്നിരിക്കുന്നത്.
