കഴിഞ്ഞ കുറച്ചു ദിവസങ്ങളായി സോഷ്യൽ മീഡിയയിൽ വൈറലായ വ്യക്തിയാണ് അഷ്കർ സൗദാൻ. നടൻ മമ്മൂട്ടിയുടെ സഹോദരിയുടെ പുത്രനാണ് അഷ്കർ സൗദാൻ. മമ്മൂട്ടിയുടേതിന് സമാനമായ രൂപവും ശബ്ദവും ആണ് കുറഞ്ഞ സമയത്തിനുള്ളിൽ അഷ്കർ സൗദാൻ സോഷ്യൽമീഡിയയിൽ വൈറലാകാൻ കാരണമായത്. അതേസമയം, തന്റെ പ്രിയപ്പെട്ട അമ്മാവൻ മമ്മൂട്ടിയെക്കുറിച്ചും കസിൻ ദുൽഖർ സൽമാനെക്കുറിച്ചും അഷ്കർ പറഞ്ഞ വാക്കുകളാണ് സോഷ്യൽമീഡിയയിൽ ഇപ്പോൾ വൈറലാകുന്നത്.
തന്റെ സഹോദരൻ ഇത്രയും വലിയ സ്റ്റാർ ആയി നിൽക്കുന്നത് തനിക്ക് അഭിമാനമാണെന്നും എന്നാൽ അമ്മാവനെ തന്നെയാണ് താൻ നോക്കു കാണുന്നതെന്നും വ്യക്തമാക്കിയിരിക്കുകയാണ് അഷ്കർ സൗദാൻ. കഴിഞ്ഞയിടെ മൂവിമാൻ ബ്രോഡ്കാസ്റ്റിനോട് സംസാരിക്കവെയാണ് അഷ്കർ ഇക്കാര്യങ്ങൾ പറഞ്ഞത്.
‘ദുൽഖർ പാൻ ഇന്ത്യൻ സ്റ്റാറായിരിക്കുന്നത് അഭിമാനകരമാണ്. അനിയൻ ഇത്ര വലിയ സ്റ്റാറായി നിൽക്കുന്നത് സന്തോഷകരമാണ്. എന്നാൽ നോക്കിക്കാണുന്നത് എപ്പോഴും അമ്മാവനെ ആയിരിക്കും.’ – അഷ്കർ സൗദാൻ പറഞ്ഞു. കുഞ്ഞുനാളിൽ അദ്ദേഹത്തെ കണ്ടാണ് വളർന്നതെന്നും അദ്ദേഹത്തെ കണ്ടാണ് ഓരോന്ന് പഠിക്കുന്നതെന്നും മമ്മൂട്ടിയെക്കുറിച്ച് അഷ്കർ പറഞ്ഞു. കുടുംബം കൊണ്ടുപോകുന്നത് എങ്ങനെയാണ്, സിനിമയിൽ എങ്ങനെ പെരുമാറണം എന്നെല്ലാം അദ്ദേഹത്തെ കണ്ടാണ് പഠിച്ചതെന്ന് അഷ്കർ വ്യക്തമാക്കി.’
