‘കളം’ ഒരു കഥയല്ല…… !! ഒരു കല്പനയല്ല… !! കാലങ്ങളായി അടിച്ചമർത്തപ്പെട്ടവന്റെ, നിശ്ശബ്‌ദതയിൽ നിന്നും വന്ന അലർച്ചയാണ്……..!! മലയാളികൾക്ക് ഏറെ പരിചിതനായ സംവിധായകൻ ജിബു ജേക്കബ് നിർമിച്ച കളം ഷോർട്ട് ഫിലിം മലയാളികളുടെ പ്രിയ യുവനായകൻ ആസിഫ് അലി പുറത്തിറക്കി. ജിബു ജേക്കബ് എന്റെർറ്റൈന്മെന്റിന്റെ ബാനറിൽ വിഷ്‌ണു പ്രസാദ് സംവിധാനം നിർവഹിച്ചിരിക്കുന്ന കളം അധിക്ഷേപങ്ങൾക്കും കളിയാക്കലുകൾക്കും ഇരയാകപ്പെടുന്നവന്റെ, അടിച്ചമർത്തപ്പെട്ടവന്റെ ശബ്ദമുയർത്തലാണ്.
ദീപക് വിജയൻ കാളിപറമ്പിൽ തിരക്കഥ എഴുതി സംവിധായകൻ വിഷ്ണുപ്രസാദ് തന്നെ ഛായാഗ്രഹണവും നിർവഹിക്കുന്ന കളത്തിൽ അഭിനയിക്കുന്നത് പ്രണവ് യേശുദാസ്, ജെറിൻ ജോയ്, ഷിബുക്കുട്ടൻ, ശ്രീകുമാർ, സവിത് സുധൻ എന്നിവരാണ്. അജ്‌മൽ സാബു എഡിറ്റിംഗും കിഷൻ മോഹൻ സംഗീത സംവിധാനവും നിർവഹിക്കുന്നു. സൗണ്ട് ഡിസൈൻ: രാജേഷ് കെ ആർ, ആർട്ട്: കിഷോർ കുമാർ, മേക്കപ്പ്: സവിത് സുധൻ, സിങ്ക് സൗണ്ട് & മിക്സ്: ഷിബിൻ സണ്ണി, അസ്സോസിയേറ്റ് ക്യാമറാമാൻ: അജിത് വിഷ്‌ണു, അസ്സോസിയേറ്റ് ഡയറക്ടർ: വിവേക് അയ്യർ, സ്റ്റിൽസ്: ഉണ്ണി ദിനേശൻ, ടൈറ്റിൽ: ശ്യാം കൃഷ്ണൻ, ഡിസൈൻസ്: ഷാൻ തോമസ്.
